O colpbol é un deporte colectivo inventado en 1996-1997 polo mestre de educación física valenciano Juanjo Bendicho. Esta modalidade deportiva caracterízase polo seu enorme dinamismo e carácter integrador e igualitario, xa que todos os participantes teñen unha importancia similar e os equipos son obrigatoriamente mixtos.
O xogo ten similitudes coa pelota valenciana (xógase golpeando o balón) e con deportes modernos como o balonmán ou o fútbol sala (terreo de xogo, tamaño das porterias, número de xogadores...) e ten como regra de ouro que sempre o equipo ha de ter polo menos un rapaz e unha rapaza en cada equipo.
O Colpbol expandiuse dende a Comunidade Valenciana ao resto de España e algúns países de Sudamérica e actualmente existe unha Liga en idade escolar onde participan máis de 3000 rapaces e rapazas.
No hay comentarios:
Publicar un comentario