BOAS FESTAS A TOD@S!

Quero aproveitar estas datas, para desexarvos un bo Nadal e un deportivo 2022.

Boas festas a todos/as!

PRESENTACIÓN ASIGNATURA EDUCACIÓN FÍSICA CURSO 2021-2022

Este curso,ao igual que o anterior,  a asignatura de Educación Física vai sufrir modificacións respecto do que viña sendo a “normalidade” para poder cumprir coas medidas de distanciamento social.

Faremos unha serie de rutinas, normas ou protocolos que hai que ter presentes nas nosas sesións e que, aparecen detallados nos arquivos adxuntos de cada curso.

Algunhas das medidas serán un pouco diferenciadoras con respecto aos cursos pasados, sendo conscientes da dificultade que entraña, para a asignatura de Educación Física.

Moitas grazas a todos/as pola vosa colaboración.

👉 Presentación asignatura E. Física 1º,2º,3º,4º e 5º E.P.

👉 Presentación asignatura E.Física 6º E.Primaria.

BENVIDOS/AS AO CURSO 2021/2022!

 

Plufi quere darvos a benvida ao novo curso escolar 2021-2022, en particular aos que chegades por primeira vez ao noso centro.

Espérovos o xoves  da semana que vén para desfrutar movéndonos.

Ata pronto!

BO VERÁN A TODOS/AS!

Finaliza un novo curso no que agardo que desfrutásedes das clases de educación física, e que no voso recordo, queden  os bos momentos que pasamos.

Moitas grazas a todos/as por visitar o blog.

Vémonos de novo o 9 de Setembro para seguir "desfrutando movéndonos".

Unha aperta moi grande e bo verán a todos/as.

DESPEDIDA DOS ALUMNOS/AS DE SEXTO CURSO.ATA SEMPRE!

O martes despedídesvos do que foi o voso colexio durante nove cursos para iniciar unha nova etapa. As experiencias vividas nestes anos seguro que vos enchen de entusiasmo para seguir adiante. 

Aínda non se borra da miña memoria aquel primeiro día de clase con vós. Era un día de setembro do ano 2012, cada un cos seus soños baixo o brazo, cos seus medos e pensamentos... Todo era novo, todo era un desafío. Dende ese primeiro día compartimos momentos que nos foron achegando, xogos, risas,etc… Logramos construir un gran grupo do que me sinto moi orgulloso.

Agora iniciades unha nova etapa da vosa vida, unha etapa, na que a ilusión debe ser o máis importante.

Foi un pracer compartir convosco estes nove cursos, que non esquecerei. Espero que non sexa un adeus senón un ata sempre.

Moitas grazas a todos/as.

Ata sempre!

FINAIS DO VI TORNEO DE BÁDMINTON DE 6º DE E.PRIMARIA

Sofía e Mateo Figueiras proclamáronse campións das finais feminina e masculina do VI Torneo de Bádminton da Cristina de 6º de E.Primaria, que se disputou durante os meses de Maio e Xuño.

Na final feminina, Sofía  gañou por dous sets a un a Daniela ( 17-21,21-7 e 21-15).

Na masculina, Mateo Figueiras logrou a victoria por dous sets a cero  (21-9 e 21-12), nun gran partido contra  Nicolás. 

Ao final do partido, os catro finalistas recibiron sendos trofeos, e o  resto dos participantes de 6º curso, unha medalla de recordo.

Noraboa a todos/as!

Sofía e Daniela

                           Mateo Figueiras e Nicolás

                                 Foto de grupo de 6º"B"

                              Foto de grupo de 6º"A"

RESULTADOS

FINAIS DO VI TORNEO DE BÁDMINTON DA CRISTINA DE 5º DE E.PRIMARIA

Sabela e Mario proclamáronse campións das finais feminina e masculina do VI Torneo de Bádminton da Cristina de 5º de E.Primaria, que se disputou durante os meses de Maio e Xuño.

Na final feminina, Sabela  gañou por dous sets a un a Andrea ( 14-21,21-14 e 21-11).

Na masculina, Mario logrou a victoria por dous sets a cero  (21-18 e 23-21), nun emocionante partido, cun estelar Issei como contrincante.

Ao final do partido, os catro finalistas recibiron sendos trofeos, e o  resto dos participantes de 5º curso, unha medalla de recordo.

Noraboa a todos/as!

Sabela e Andrea

Issei e Mario

                                   Foto de grupo de 5º "A"

                                 Foto de grupo de 5º "B"

                                            RESULTADOS

                                 

APRENDE A TRAVÉS DO SURFING

 

Hoxe comezaron na praia de Razo os bautismos de surf englobados no proxecto "Aprende a través do Surfing". 

O alumnado de sexto curso de E.Primaria participou ao longo de toda a mañá dunha xornada de convivencia, onde os nenos/as tiveron a oportunidade de desfrutar dun bautismo de surf, coñecer a cultura oceánica  e experimentar todos os valores do surfing.

Mañá será o turno dos alumnos/as de 5º de E.Primaria.

As proximas sesións, se as condicións metereolóxicas e das mareas o permiten, serán nas datas seguintes:

• Luns 7 de Xuño: 4º E.Primaria.
• Martes 8 de Xuño: 3º E.Primaria.
• Luns 14 de Xuño: 2º E.Primaria.
• Martes 15 de Xuño: 1º E.Primaria.

NOTICIA EN LA VOZ DE GALICIA-CARBALLO

FINALISTAS 6º CURSO DE E.PRIMARIA DO VI TORNEO DE BÁDMINTON DA CRISTINA

 

Sofía,Daniela,Mateo Figueiras e Nicolás son os catro finalistas de 6º de E.Primaria do VI Torneo de Bádminton da Cristina.

A semana que vén xogaranse as dúas finais.

Moita sorte a todos/as.

FINALISTAS 5º CURSO DE E.PRIMARIA DO VI TORNEO DE BÁDMINTON DA CRISTINA.

Andrea,Sabela,Issei e Mario son os catro finalistas de 5º de E.Primaria do VI Torneo de Bádminton da Cristina.

A semana que vén xogaranse as dúas finais.

Moita sorte a todos/as.

SEMIFINAIS VI TORNEO DE BÁDMINTON DA CRISTINA

 

5º CURSO

ANDREA-ANA	21-14
SABELA-CARLA	25-23
ISSEI-LEO	21-5
MARIO-MANUEL SOUTO	21-15

6º CURSO

SOFÍA-AINHOA	21-7
DANIELA-IDAIRA	21-13
NICOLÁS-ISAAC	21-12
MATEO F.-MATEO R.	21-11

*EN NEGRITA OS CLASIFICADOS/AS PARA AS FINAIS.

RESULTADOS 4ª XORNADA VI TORNEO DE BÁDMINTON DA CRISTINA

 

4ª XORNADA

6º CURSO

DANIELA-ANTIA	21-13
NICOLÁS-MARCOS	21-7
MATEO FIGUEIRAS-ÁNGEL	21-15
MATEO REINO-HUGO	21-16

 

*EN NEGRITA OS CLASIFICADOS/AS PARA A SEGUINTE RONDA.

RESULTADOS 3ª XORNADA VI TORNEO DE BÁDMINTON DA CRISTINA

 

3ª XORNADA

5º CURSO

LEO-MATEO MARTÍNEZ	21-17
MANUEL SOUTO-MATEO GARCÍA	21-13
MARIO-TIRSO	21-18

 

6º CURSO

HUGO-JACOBO	21-17
IDAIRA-LOLA	21-11
AINHOA-CLAUDIA	21-18

*EN NEGRITA OS CLASIFICADOS/AS PARA A SEGUINTE RONDA. 

lV CARREIRA POLA LINGUA DO CEIP.A CRISTINA

Para conmemorar o Día das Letras Galegas, celebramos no patio cuberto  do noso colexio, a "IV Carreira pola Lingua do Ceip. A Cristina",na que participou todo o alumnado do centro, para reivindicar a defensa da nosa lingua e fomentar os hábitos saudables.