BO VERÁN A TOD@S!

Finaliza un novo curso no que agardo que disfrutásedes das clases de educación física, e que no voso recordo, queden  os bos momentos que pasamos.

Moitas grazas a tod@s por visitar o blog.

Vémonos de novo o doce de Setembro para seguir "disfrutando movéndonos".

Un saúdo e bo verán a tod@s.

PDC. ACROSPORT 6º CURSO DE E.PRIMARIA

Onte pola tarde celebramos un emotivo festival de fin de curso no Pazo da cultura, onde os rapaces de sexto curso quixeron aportar como despedida o seu graniño de area, representando unha coreografía de acrosport.

Quero darlles as grazas e a noraboa a tod@s eles, polo seu esforzo durante todos estes días.O esforzo mereceu a pena!

Tamén, felicitar a nosa mestra de música Nerea, pola súa colaboración no desenvolvemento do Proxecto deportivo de centro ao longo deste curso que estamos a piques de rematar, e sobre todo, pola iniciativa deste festival e polo seu gran traballo na organización deste evento.Noraboa compañeira!

Podedes ver algunhas fotografías do festival neste enlace de La Voz de Galicia-Carballo: FESTIVAL FIN DE CURSO

DESPEDIDA DOS ALUMN@S DE SEXTO CURSO

Un curso máis, e xa van nove neste colexio, chegou o momento de despedirme dos alumn@s de sexto curso.

Foron sete cursos compartindo con vós moitos momentos,dos que sempre é mellor quedarse cos bos, verdade?

Oxalá alcancedes na vida todos aquelas metas que vos propoñades. Traballade duro, perseguide os vosos soños. Díxenvos moitas veces que o que un consegue con esforzo sabe moito mellor.

Non vos esquezades de poñer o máximo de ilusión en todo aquilo que fagades e sobre todo, comezade cada día con ilusión. 

Ata moi pronto!

PDC. A CRISTINA TERÁ UN ANO MÁIS, UNHA AMPLIA REPRESENTACIÓN NA VIII CARREIRA POPULAR 10K M CONCELLO DE CARBALLO

O noso colexio terá un ano máis, unha nutrida representación na  VIII Carreira Popular 10 Km Concello de Carballo que se celebrará este próximo domingo.

Agardo que os nen@s disfruten dunha mañá deportiva, na que as rúas de Carballo se convertirán de novo, nunha auténtica festa do atletismo.

 OS HORARIOS DAS PROBAS SON OS SEGUINTES:

10.25: INFANTIL, ALEVÍN.
12.25: BENXAMÍN.
12.40: PITUFOS 2011,2012,2013,2014.

Moita sorte a tod@s!

PDC.ENCARGADOS DOS RECREOS ACTIVOS CURSO 2017/2018

Neste curso que está a punto de rematar, puxemos en marcha unha nova iniciativa englobada no PDC,os "recreos activos", coa idea de mellorar a organización e a convivencia durante os períodos de recreo.

Para organizar as zonas e distribuir o material, contamos coa inestimable axuda de Ivana, Valentín, Sergio, Andrea, Laura, Alexandra e Saray, alumn@s de 6º de E.Primaria.

Por iso, hoxe quixemos ter un detalle de agradecemento con todos eles, e  regalámoslles unha pequena mochila que leva incorporada unha chapa coa mascota de Educación Física do colexio, Plufi.

Moitas grazas polo voso gran traballo!

           Ivana, Valentín,Mateo,Sergio,Andea,Laura,Alexandra e Saray.