BENVIDA

Ola a tod@s!

Nesta nova aventura na rede, irei reflexando todos aqueles aspectos relacionados co mundo da educación Física .

" Disfrutamos movéndonos" é a primeira pedra dun proxecto onde as novas tecnoloxías estarán presentes nas sesións de Educación Física. Nel, reflexarei as nosas experiencias nas distintas unidades didácticas que traballaremos ao longo do curso, fotografías, vídeos,etc...

Un saúdo e benvidos a " Disfrutamos movéndonos".

viernes, 30 de noviembre de 2018

PDC. DESTACADO PAPEL DOS NOSOS/AS ATLETAS NA FASE LOCAL DE CAMPO A TRAVÉS ESCOLAR

Un ano máis,  os nosos/as atletas tiveron unha destacada  participación na Fase Local de campo a través celebrada na mañá de hoxe no campo de fútbol das " Eiroas".

O noso centro estivo representado por 96 nenos/as das categorías benxamín, alevín e infantil feminino e masculino, sendo a maior participación do noso centro na súa historia.

Aínda que tódolos nen@s realizaron un gran papel, hai que destacar a medalla de ouro de Guillermo Pastoriza e a de bronce de Tirso Ramos. 


A todo isto, hai que añadir a clasificación individual e  posiblemente  dalgún equipo, o que fai pensar, agardando a que a Federación Galega de Atletismo publique as clasificacións definitivas; que o noso centro estará representado por un nutrido grupo de atletas na Fase Intercomarcal, que se celebrará o vindeiro sábado 26 de Xaneiro do 2019 no circuito do Parque dos Menhires( A Coruña).
  
Quero aproveitar esta entrada, para dar as grazas ao equipo directivo  do centro, titores, especialistas;e en especial,a María Xosé,Francisco e Jesús , polo seu excelente traballo e colaboración no desenvolvemento da xornada de hoxe. Moitas grazas!

Tampouco me quero olvidar do excelente comportamento dos nenos/as, e do apoio incondicional de tódolos pais e nais que se achegaron ata o circuito para animar aos nenos/as.
Moitas Grazas! 

Noraboa a tod@s polo voso esforzo!!!!



EQUIPO INFANTIL MASCULINO


EQUIPO INFANTIL FEMININO


EQUIPO ALEVÍN MASCULINO



EQUIPO ALVÍN FEMININO


EQUIPO BENXAMÍN FEMININO



EQUIPO BENXAMÍN MASCULINO



TIRSO RAMOS 3º CLASIFICADO
BENXAMÍN MASCULINO




GUILLERMO PASTORIZA 1º CLASIFICADO
ALEVÍN  MASCULINO

NOTICIA EN LA VOZ DE GALICIA-CARBALLO

NOTICIA NA WEB DO CONCELLO DE CARBALLO

martes, 27 de noviembre de 2018

PDC.O NOSO CENTRO FOI ADMITIDO NO PROGRAMA PDC-CENTROS ACTIVOS E SAUDABLES 2018-2019

O noso centro foi admitido no programa PDC(Proxecto deportivo de centro)- Centros activos e saudables, englobado no Plan Proxecta.

O obxectivo deste programa é o de actuar  como dinamizador e promotor de hábitos de vida activa e saudable, rentabilizando os recursos existentes no seu ámbito de influencia. 

Buscamos que o 100%  dos alumnos e alumnas reciban información e asesoramento de como incorporar no seu día a día, tanto no horario lectivo coma no no- lectivo, actividade física, exercicio físico ou deporte como hábito de vida saudable, así como incrementar, na súa estadía no centro, a práctica de actividade física de calidade.

O obxectivo final será entón o de loitar contra o sedentarismo, creando hábitos que perduren fóra do centro escolar e ao longo de toda a vida, dende a infancia ata a vellez.

lunes, 26 de noviembre de 2018

PDC.FASE LOCAL DE CAMPO A TRAVÉS ESCOLAR 2018


Un ano máis, o noso centro terá unha amplia representación na Fase Local de campo a través escolar, xa que, serán 96 atletas do noso centro e 18 equipos , os que participarán o vindeiro venres 30 de novembro( sempre que as condicións metereolóxicas o permitan) nesta proba.

Esta actividade forma parte do Programa Xogade, englobado no Proxecto Deportivo do noso centro.

As probas desenvolveranse no circuito do Polígono Industrial de Carballo.

Os horarios das probas serán  os seguintes:

10.45:  Infantil masculino ( 6º E.Primaria)
11.00:  Infantil feminino ( 6º E.Primaria)
11.15:  Alevín masculino ( 4º e 5º E.Primaria) 
11.30:  Alevín feminino ( 4º e 5º E.Primaria) 
11.45:  Benxamín masculino ( 2º e 3º E.Primaria) 
12.00:  Benxamín feminino ( 2º e 3º E.Primaria) 

Moita sorte a tod@s!

sábado, 24 de noviembre de 2018

EN NEGRO CONTRA A VIOLENCIA.


Disfrutamos movéndonos, súmase á campaña de denuncia e sensibilización social contra a violencia de xénero.

miércoles, 14 de noviembre de 2018

PDC.RECREOS ACTIVOS: PRIMEIRA LIGA DE BALONCESTO NOS RECREOS DOS COLEXIOS DE CARBALLO


O noso centro participará na liga de baloncesto, que se desenvolverá durante os recreos nos colexios de Carballo.

Esta nova iniciativa  está organizada polo Basket Xiria, coa intención de facer uns recreos máis saudables e entretidos.