BENVIDA

Ola a tod@s!

Nesta nova aventura na rede, irei reflexando todos aqueles aspectos relacionados co mundo da educación Física .

" Disfrutamos movéndonos" é a primeira pedra dun proxecto onde as novas tecnoloxías estarán presentes nas sesións de Educación Física. Nel, reflexarei as nosas experiencias nas distintas unidades didácticas que traballaremos ao longo do curso, fotografías, vídeos,etc...

Un saúdo e benvidos a " Disfrutamos movéndonos".

sábado, 23 de febrero de 2013

GRAN PAPEL DE VALERIA GÓMEZ NO CAMPIONATO GALEGO DE CAMPO A TRAVÉS



Valeria Gómez finalizou na vixésima posición ( novena  na clasificación individual) na Fase Final do Campionato Galego escolar de campo a través.
Valeria mantívose durante toda a carreira no grupo de cabeza, realizando unha  carreira de menos a máis.
Hai que destacar que neste Campionato, estaban presentes as sesenta  mellores atletas de categoría alevín de todo Galicia, polo que o posto acadado pola atleta do noso colexio, é moi meritorio.
Noraboa e moitas grazas polo teu comportamento!!!
Con este Campionato remata a tempada de campo a través escolar, onde o noso centro, estivo presente por segunda tempada  consecutiva, nas catro Fases do Campionato.
Quero darlle as grazas a tod@s os nen@s que participaron esta tempada nas distintas Fases, polo seu esforzo e comportamento, e animarvos, a seguir esforzándovos para intentar mellorar día.
Grazas a tod@s!!!

jueves, 21 de febrero de 2013

REPORTAXE NA TVG2, DO CAMPIONATO PROVINCIAL DE CAMPO A TRAVÉS DO PASADO SÁBADO

Comunícanme dende a Televisión de Galicia, que o vindeiro sábado día 23 de Febreiro, na TVG2, a partir das 19 horas, sairá unha reportaxe do Campionato Provincial de Campo a Través celebrado o pasado sábado 16 de Febreiro.
Este mesmo programa repítese o domingo sobre as 14 horas aproximadamente.
O enlace ao programa en Internet, no caso de que non poidades velo en directo, é o seguinte:

VII CARREIRA PEDESTRE POPULAR COSTA DA MORTE


A 7ª Carreira Pedestre Popular Costa da Morte, organizada polo Grupo Correo Gallego e polo Concello de Camariñas, celebrarase o domingo día 3 de marzo de 2013 na localidade de CAMARIÑAS.
Realizaranse catro carreiras de acordo cos seguintes horarios e categorías:


-  10.00 horas - Categorías Xuvenil-Cadete e Infantís
-  11.00 horas – Categorías Alevín-Benxamín
-  11.30 horas -Carreira Pitufos
- 12.00 horas – Categorías Junior-Promesa, Sénior e Veteráns
 CATEGORÍAS E QUILÓMETROS PERCORRIDO:

- PITUFOS: Nen@s que naceron entre o ano 2.006 ó 2.009(400m.)

- BENXAMÍN: Nen@s que naceron nos anos 2004 e 2005 (800m.)

- ALEVÍN: Nen@s nados en 2002 e 2003 (800m.)

-INFANTIL: Nen@s nados nos anos 2000 e 2001 (3.000m.)

INSCRIPCIÓNS: Escolares (data límite o luns 25 de febreiro): a través do centro de ensino, si son da bisbarra da Costa da Morte, ou de forma individual, pero con permiso paterno (os formularios deberán cubrilos no formato orixinal Excell que deberán baixar a través da página web: www.camarinas.net/ e envialos a través do e-mail: fran.puga (arroba) camarinas.dicoruna.es.



Se o seu fillo está interesado en participar nesta proba, póñase en contacto con Suso.


martes, 19 de febrero de 2013

CAMPIONATO GALEGO ESCOLAR DE CAMPO A TRAVÉS



O vindeiro sábado día 23 de febreiro,terá lugar o Campionato Galego de Campo a Través en Guitiriz( Lugo), onde participará a atleta do noso centro Valeria Gómez. 
No enlace que aparece a continuación poden consultar toda a información sobre a proba:

ALEJANDRA IGLESIAS , CAMPIONA GALEGA DE SALVAMENTO E SOCORRISMO


Alejandra Iglesias Regidor, alumna de 6º curso de E.Primaria, proclamouse campiona galega de salvamento e socorrismo de inverno, no Campionato celebrado na piscina municipal Bergantiños de Carballo.

Noraboa campiona!!!


sábado, 16 de febrero de 2013

" EDUCACIÓN, DEPORTE E VALORES "



O  noso centro contará durante esta semana, cunha exposición itinerante sobre a" Educación, Deporte e Valores". Consta de dezasete paneis despregables e estará aberta no corredor principal do centro, a todo o colectivo escolar.

O deporte ten de seu valores como o traballo en equipo, o respecto polo compañeiro, a delegación de tarefas, a corresponsabilidade, o esforzo en conseguir un obxectivo común, o fomento da superación persoal..., valores todos eles que poden ser aplicables a todos os ámbitos da vida persoal e profesional dos nen@s.

Esta actividade, intenta ser un mecanismo de educación a través do deporte  e unha oportunidade para educar mentres se promove o gusto pola práctica de actividade física e se persegue a creación de hábitos saudables nos moz@s.


Aproveitarei as sesións  de educación física  para que todo o alumnado  do centro a visite e reflexione sobre a importancia de determinados valores do deporte    como : NOBREZA, TOLERANCIA, INTEGRACIÓN, XOGO LIMPO, SAÚDE, DIVERSIÓN...

Estades tod@s invitad@s!

VALERIA GÓMEZ CLASIFICOUSE PARA O CAMPIONATO GALEGO ESCOLAR DE CAMPO A TRAVÉS



Valeria Gómez clasificouse para disputar o Campionato Galego escolar de campo a través , ao finalizar oitava na Fase Provincial disputada na mañá de hoxe, no circuíto de Acea da Ma( Culleredo)

Por segunda tempada consecutiva, un atleta do noso colexio representaranos no Campionato Galego, que se celebrará en Guitiriz(Lugo), o próximo sábado 23 de Febreiro.

Tamén hai que destacar o 6º posto do equipo alevín feminino, e o bo papel de Lucía Carro e David Pandelo na categoría benxamín.




Noraboa a tod@s!!

lunes, 4 de febrero de 2013

INFORMACIÓN SOBRE O CAMPIONATO PROVINCIAL DE CAMPO A TRAVÉS




O sábado 16 de Febreiro celebrarase no circuito do parque deportivo de Acea da Ma (Culleredo) o Campionato Provincial de campo a través en idade escolar, onde participarán nove atletas do noso centro.

Os nen@s  serán trasladados  ao lugar da proba nun autobús acompañados polo  seu mestre de educación física.

A hora prevista da saída desde Carballo será  ás 9.20 horas desde o aparcamento do centro comercial Bergantiños- Hiper Gadis.

Está previsto chegar  de volta a Carballo sobre as  14.15 ( dependendo de que os horarios das probas non se vexan alterados) ao mesmo lugar da saída.

Os horarios orientativos das probas son os seguintes:

10.45– Retirada de dorsais

Hora
Categoría
Distancia  aprox.
Voltas
11.15
Benxamín fem.
   2º e 3º E.P
700m
SAÍDA  + CIRCUITO AMARELO
11.30
Benxamín mas.
   2º e 3º E.P
700m
SAÍDA  + CIRCUITO AMARELO
11.45
Alevín fem.
  4º e 5º E.P
1200m
SAÍDA  + CIRCUITO AMARELO+ CIRCUITO LARANXA

domingo, 3 de febrero de 2013

ÁNIMO YONATAN!!!

Agardo que o que estou escribindo, poda axudarte dalgunha maneira a que te animes e non decaigas no teu empeño de superarte día a día. Xa sei que o que pasou na proba de onte foi moi inxusto, e ti, non eres merecedor de tal inxustiza, pero ás veces, a vida é así e intenta poñernos a proba. Quero que saibas que me sinto moi orgulloso do teu comportamento, do teu saber estar a pesar da inxustiza.
Para min o máis importante foi comprobar que tes asimilados os valores deportivos que intento inculcarvos  nas clases de educación física, onde priman a nobreza e que non todo vale para poder gañar.
Non deixes de loitar polos teus sonos e non esquezas que somos moitos os que confiamos en ti.
Ánimo!!!!

sábado, 2 de febrero de 2013

A CRISTINA PROCLAMOUSE CAMPIÓN INTERCOMARCAL DE CAMPO A TRAVÉS



O equipo alevín feminino de campo a través formado por: Valeria Gómez, Sarai Lema, Paula Lorenzo, María Serra, Natalia Riveiro, Cecilia Collazo e Graciela Amarelle, proclamouse por primeira vez na historia do noso centro, campión Intercomarcal de campo a través da zona da Coruña.

A este campionato hai que unir as medallas de prata e bronce de Valeria Gómez e Lucía Carro nas categorías alevín e benxamín feminina, e a medalla de bronce do equipo benxamín feminino.

Tamén hai destacar a clasificación de David Pandelo para o campionato provincial ao finalizar oitavo ,e o 4º posto do equipo benxamín masculino.

O resto dos no@s atletas estiveron a un gran nivel, deixando tod@s unha boa imaxe.

Como aspecto negativo da xornada, sinalar o sucedido na recta final da proba da categoría infantil masculino, onde o atleta do noso centro Yonatan Lema, foi empurrado claramente por outro atleta cando loitaba polo oitavo posto que lle daría a clasificación  para o campionato provincial. Despois de presentar unha reclamación  á xuíz árbitro da proba, sorprendentemente non se tivo en conta a mesma, privando ao noso corredor dunha merecida clasificación.

Desde o meu punto de vista, decisións deste tipo, non favorecen para nada os valores que se lle supón a este tipo de competicións a nivel escolar, xa que, o espirítu deportivo queda totalmente desvirtuado.

NORABOA A TOD@S POLO VOSO ESFORZO!!!


Relación de atletas clasificados para o Campionato Provincial

Benxamín feminino ( 3ºcurso)
     Lucía Carro Rodríguez.
    Benxamín masculino ( 3ºcurso)
David Pandelo Gómez.
Alevín feminino (4º e 5º curso)
    Sarai Lema Fernández.
 María Serra Álvarez.
            Graciela Amarelle Fernández
                           Valeria Gómez Álvarez.                     
       Paula Lorenzo Rodríguez.
Cecilia Collazo Noya
Natalia Riveiro Rojo.