BENVIDA

Ola a tod@s!

Nesta nova aventura na rede, irei reflexando todos aqueles aspectos relacionados co mundo da educación Física .

" Disfrutamos movéndonos" é a primeira pedra dun proxecto onde as novas tecnoloxías estarán presentes nas sesións de Educación Física. Nel, reflexarei as nosas experiencias nas distintas unidades didácticas que traballaremos ao longo do curso, fotografías, vídeos,etc...

Un saúdo e benvidos a " Disfrutamos movéndonos".

martes, 28 de febrero de 2012

MOITAS GRAZAS SIRO


Nos traballos non hai ninguén imprescindible, pero sí hai persoas importantes e que deixan pegada polo seu esforzo,actitude, forma de ser, e sobre todo, pola súa competencia e responsabilidade. Unha desas persoas é o noso conserxe Siro, que no día de hoxe finaliza a súa etapa laboral no noso colexio.

Ás veces non vemos,nin valoramos o traballo de compañeiros como Siro, ese traballo silencioso, pero moi importante para que un centro  funcione.

Creo que é de xustiza recoñecerlle o seu esforzo, traballo e implicación no proxecto do colexio.Na súa etapa non recordo unha mala palabra, unha mala cara,todo foron boas palabras, boa disposición en pro do colexio.

Está claro que no día de hoxe o colexio perde a un grande profesional, pero sobre todo, a unha grande persoa que durante os meses que estivo entre nós, deixou a súa impronta e o seu saber estar.

Non sei si voltarás de novo, ¡agardo que sí!, pero ten por seguro que os que traballamos no día a día contigo, botarémoste de menos.

Desde aquí quero darche as grazas e que saibas que no noso colexio sempre terás as portas abertas, porque xente coma ti, merece a pena.

Moitas grazas por todo e ata moi pronto compañeiro.

ACROSPORT

Os alumn@s de 5º e 6º de E.Primaria estiveron preparando unhas coreografías de Acrosport onde as habilidades ximnásticas e a música están moi presentes.

Nos vídeos que aparecen a continuación podedes ver o froito do seu traballo.


5º CURSO DE E.PRIMARIA
1ª PARTE



5º CURSO DE E.PRIMARIA
2ª PARTE



5º CURSO DE E.PRIMARIA
3ª PARTE


6º CURSO DE E.PRIMARIA
1ª PARTE



6º CURSO DE E.PRIMARIA 
2ª PARTE


sábado, 25 de febrero de 2012

BO PAPEL DE YONATAN LEMA NO CAMPIONATO GALEGO DE CAMPO A TRAVÉS



No circuíto da Azucareira da localidade pontevedresa de Portas celebrouse  esta mañá o Campionato Galego Escolar de Campo a Traves, onde o atleta do noso centro Yonatan Lema, finalizou no posto 41 da xeral e no 12 da clasificación individual, resultado que se pode considerar de bo nesta primeira participación dun atleta do noso centro nun Campionato Galego.

Con este campionato ponse punto final  á temporada de campo a través por este curso, que en liñas xerais, pódese considerar de sobresaínte, xa que, o noso centro estivo presente nas catro fases que se organizan na nosa comunidade.

Noraboa e grazas a tod@s @s ne@s do centro que  participaron ao longo deste curso nas distintas fases de campo a través.

jueves, 16 de febrero de 2012

CAMPIONATO GALEGO DE CAMPO A TRAVÉS EN IDADE ESCOLAR

 Yonatan Lema representará por primeira vez ao noso centro nun Campionato Galego

O sábado 25 de Febreiro celebrarase no circuito da Azucareira en Portas ( Pontevedra), o Campionato Galego de campo a través en idade escolar, onde participará o atleta do noso centro Yonatan Lema.

Os horarios orientativos das probas son os seguintes:

  • Entrega de dorsais:    10.45
  • Desenvolvemento da proba:  11.30 a 13.30
  • Entrega de premios: 13.30

Categoría
Distancia  aprox.
Saída
Alevín mas.
2.000 m
12.55




NORMATIVA CAMPIONATO GALEGO DE CAMPO A TRAVÉS

 VÍDEO DO CIRCUITO DA AZUCAREIRA DE PORTAS(PONTEVEDRA)

domingo, 12 de febrero de 2012

sábado, 11 de febrero de 2012

O CEIP. A CRISTINA ESTARÁ NO CAMPIONATO GALEGO DE CAMPO A TRAVÉS



Por primeira vez na historia do noso centro, un dos nosos atletas estará presente no próximo Campionato Galego de campo a través en idade escolar que se celebrará o vindeiro 25 de Febreiro no circuito da Azucareira en Portas( Pontevedra), posto que, Yonatan Lema, finalizou sexto no campionato Provincial celebrado esta mañá na Pobra do Caramiñal,o cal, lle permitirá estar entre os mellores atletas galegos de campo a través en idade escolar.

Tampouco me quero esquecer do bo papel de Jonathan Lage na categoría alevín masculino,do quinto posto do equipo benxamín feminino no seu primeiro ano na categoría ademais e do cuarto posto do equipo infantil masculino, repetindo por segundo ano consecutivo esta posición, quedando só a tres puntos de acceder ao Campionato Galego despois dunha polémica e arbritaria decisión dos xuíces da proba, que nun primeiro momento descalificaron a un atleta do equipo que quedou en segundo lugar, para máis tarde volver a calificalo de maneira sorprendente, saltándose á torera o reglamento da proba. Quero pensar, que sí nesta decisión non  tería nada que ver que o clube afectado fose a USC( Universidade de Santiago de Compostela) e que os xuíces pertencían á delegación santiaguesa da Federación Galega de Atletismo. A bo entendedor sobran palabras!

De todas maneiras, hoxe non é un día para polemizar e sí para alegrarnos dunha xornada que marcará un antes e despois no noso centro.

Noraboa a tod@s polo voso esforzo e traballo durante todos estos meses. Síntome moi orgulloso de poder aportar o meu pequeno graniño de area nesta aventura, na que vós, sodes os verdadeiros protagonistas.

GRAZAS, GRAZAS E MÁIS GRAZAS CAMPIÓNS!!!!


miércoles, 8 de febrero de 2012

ÁNIMO, E A POR TODAS CAMPIÓNS!!!


Xa só falta un día para a gran cita. Este  sábado  , no circuito da praia de Cabío, en A Pobra do Caramiñal, disputarase a fase Provicincial de A Coruña, do Campionato de Cross en Idade Escolar, onde participarán catorce atletas do noso colexio.

Por segundo ano consecutivo o noso centro estará presente neste campionato, demostrando que o traballo iniciado hai dous anos polo mestre Suso durante as sesións de educación física, e os moitos adestramentos levados a cabo durante os recreos, está dando os seus froitos.


O noso colexio estará representado a nivel individual por  Yonatan Lema e Jonathan Lage na categoría alevín masculino; e polos equipos  benxamín feminino formado por: Marta Padín, María Serra, Lucía Carro, Anabel Mira, Lucía Varela e Alicia Abelenda ; e polo infantil masculino formado por: Diego Castro, Juan Rodríguez,Álex Ures, Martín Vázquez, Xavier Chouciño e Alejandro Gómez.

Despois de cinco semanas de moito esforzo nos adestramentos  levados a cabo durante os recreos, @s nen@s chegan moi ilusionados a esta proba, na que o importante e que disfruten da experiencia competindo cos mellores atletas da provincia de A Coruña, e quen sabe, quizás obtendo algún deles a clasificación para o Campionato galego.

Tampouco me quero esquecer dos moitos nen@s do noso centro que competiron nas dúas fases anteriores e que non estarán presentes neste campionato. Hai que recoñecervos  o voso esforzo e traballo durante estos meses, e animarvos a seguir traballando, para que no ano 2013 sexamos máis os que representemos ao noso centro no campionato Provincial.

Moitas grazas a tod@s polo voso esforzo e compromiso durante estos meses.

Dende aquí quero felicitar aos nen@s que nos representarán   nesta fase do campionato, o cal non é doado, e animarvos a que disfrutedes o vindeiro sábado dunha bonita xornada de atletismo.


domingo, 5 de febrero de 2012

INFORMACIÓN SOBRE O CAMPIONATO PROVINCIAL DE CAMPO A TRAVÉS


O vindeiro sábado 11 de Febreiro celebrarase no circuito da Praia de CabÍo ( A Pobra do Caramiñal) o Campionato Provincial de campo a través, onde participarán catorce nen@s  do noso centro.

Os nen@s participantes serán trasladados ao lugar da proba nun autobús acompañados polo  seu mestre de educación física.

A hora prevista da saída desde Carballo será ás 8.15  desde o aparcamento do centro comercial Halley.

Está previsto chegar  de volta a Carballo entre as  15.45 e as 16.00 horas ( dependendo de que os horarios das probas non se vexan alterados) ao mesmo lugar da saída.

Os horarios orientativos das probas son os seguintes:

  • Entrega de dorsais: 10:45
  • Desenvolvemento da proba: 11:15 -13:30
  • Entrega de premios: 13:30

Categoría
Distancia  aprox.
Saída:
Benxamín fem.
700 m
11:15
Alevín mas.
1600 m
12:00
Infantil masc
2000 m
12:30








*No transcurso da proba, e na liña de meta, iranse entregando bolsas picnic aos participantes de cada carreira.

RECOMENDACIÓNS :

·   PRÉGASE PUNTUALIDADE Á HORA DA SAÍDA E DA CHEGADA DO AUTOBÚS.

·   SE AO FINALIZAR A PROBA, O SEU FILL@ NON VAI A REGRESAR NO AUTOBÚS, COMUNÍQUELLO AO MESTRE DE EDUCACIÓN FÍSICA.

·   Dado que a proba se desenvolverá sobre un circuito de herba e terra, é recomendable que os nen@s veñan provistos de doble calzado e calcetins( un par de zapatillas deportivas e calcetins para competir, e outro par para poñer unha vez finalizada a proba).O circuito conta cunhas carpas para cambiarse por se algún nen@ quere facer uso das mesmas.

·   Os nen@s traerán chandal (o do colexio ou outro) e un anorak   para evitar enfriarse durante a espera da súa proba e despois da mesma.

·   Participarán coa camiseta técnica do Ceip. A Cristina - La Bombonera que lles facilitará o centro.Aqueles nen@s que queiran utilizar pantalón curto ou mallas deportivas poden facelo.


·   Se o seu fill@ está tomando algunha medicación ou ten algún problema físico que detectarán nos últimos días, non esquezan comunicalo.

·   Recorden que os obxectivos fundamentais desta proba son os de: fomentar unha práctica deportiva, educativa e saudable;e difundir os valores da competición.

·   Os resultados da proba, as fotografías e toda a información da mesma poderán consultalos no blog de educación física do noso centro: “ Disfrutamos movéndonos”.

·   Para calquer aclaración ou dúbida, póñanse en contacto con Suso (mestre titular do departamento de educación física do centro)

·    De cara a organizar o transporte dos nen@s, é moi importante que entreguen antes do Xoves 9 de Febreiro a autorización que se lles facilitará.
                                   
Jesús Manuel Pena Núñez
(Mestre titular do Departamento de Educación Física)