BO NADAL E FELICES FESTAS

Quero aproveitar estas datas, para desexarvos un bo Nadal e un deportivo 2020.

Boas festas!

PDC.1ª SAN SILVESTRE SOLIDARIA DA CRISTINA

Aínda que as condicións metereolóxicas non nos acompañaron e tivemos que cambiar o espazo previsto  inicialmente,  hoxe celebramos no ximnasio a 1ª Carreira Solidaria da Cristina, no que o importante foi a solidariedade amosada pola comunidade educativa do noso centro, aportanto unha cantidade moi importante de alimentos e material de aseo, etc...para Cáritas parroquial de Carballo.

Grazas pola vosa colaboración!

PDC. CLASIFICAD@S PARA O CAMPIONATO INTERCOMARCAL DE CAMPO A TRAVÉS ESCOLAR

A Federación Galega de Atletismo acaba de publicar as clasificacións da Fase Local de campo a través celebrada onte, e podemos dicir, que estamos de noraboa, xa que,  trinta e catro nenos/as do noso centro conseguiron clasificarse para o Campionato Intercomarcal de campo a través, que se celebrará o sábado 18 de Xaneiro do 2020, no circuito do parque dos Menhires( A Coruña)

Ás catro medallas colleitadas, e á clasificación de dez atletas de maneira individual, hai que destacar que a nivel de equipos os resultados foron moi bos , xa que, acadamos dous primeiros e dous segundos postos.

RELACIÓN DE CLASIFICADOS PARA O CAMPIONATO INTERCOMARCAL 

 CLASIFICACIÓN INDIVIDUAL

GUILLERMO PASTORIZA CARBAJALES ( 2º Infantil masculino)
TIRSO RAMOS VARELA (1º  Alevín masculino)

ÁNGEL TRIGO MATO(4º Alevín masculino)

DANIEL FRADE SUÁREZ(5º Alevín masculino)

MATEO FIGUEIRAS POSE(7º Alevín masculino)
ANTÍA CANCELA MARTÍNEZ(6ª Alevín Feminino)
CLAUDIA MUÑIZ TRIGO(7ª Alevín feminino)
HUGO GARCÍA REMUIÑÁN ( 1 º Benxamín masculino)

NICOLÁS LEMA FERNÁNDEZ( 3º Benxamín masculino)

NURIA CASTRO GARCÍA ( 6ª Benxamín feminino)

CLASIFICACIÓN POR EQUIPOS 

EQUIPO BENXAMÍN MASCULINO (1º clasificado)

ROMÁN RAMA MARTÍNEZ

RODRIGO RAMA MALLO 

ABEL ANTELO FRAGA

GAEL ROMERO VARELA
ADRIÁN BUSTELO GARCÍA
NICOLÁS POSE MÉNDEZ

EQUIPO BENXAMÍN FEMININO (2º clasificado)

CARLA TRIGO MATO

UXÍA PEREIRO MÉNDEZ

MAYRA MOUZO LEMA

CARMEN GARCÍA ROEL

DANIELA SUÁREZ ÁLVAREZ

LAURA VILARES SOUTO

EQUIPO ALEVÍN MASCULINO (1º clasificado)

ISSEI  MATEO SUÁREZ KITAHORI

MANUEL GARCÍA CABEZA

LEO LEMA FERNÁNDEZ

IZAN PENA MOURA
DANIEL TAIBO TASENDE
DIEGO FIGUEIRA QUINTÁNS

EQUIPO ALEVÍN FEMININO(2ºclasificado)

SOFÍA BERTOA GARCÍA
SABELA RODRÍGUEZ DUBRA
DANIELA ALFEIRÁN ESPIÑO
AINHOA DÍAZ SIEIRA
LUCÍA MARÍA VILLASENÍN FACAL
LÍA NÚÑEZ GONZÁLEZ

CLASIFICADOS FASE LOCAL CARBALLO

NORABOA A TODOS/AS!

PDC. O NOSO CENTRO FOI ADMITIDO NO PDC- CENTROS ACTIVOS E SAUDABLES 2019-2020

O noso centro foi admitido no programa PDC(Proxecto deportivo de centro)- Centros activos e saudables, englobado no Plan Proxecta.

O obxectivo deste programa é o de actuar  como dinamizador e promotor de hábitos de vida activa e saudable, rentabilizando os recursos existentes no seu ámbito de influencia. 

Buscamos que o 100%  dos alumnos e alumnas reciban información e asesoramento de como incorporar no seu día a día, tanto no horario lectivo coma no no- lectivo, actividade física, exercicio físico ou deporte como hábito de vida saudable, así como incrementar, na súa estadía no centro, a práctica de actividade física de calidade.

O obxectivo final será entón o de loitar contra o sedentarismo, creando hábitos que perduren fóra do centro escolar e ao longo de toda a vida, dende a infancia ata a vellez.

PDC.BRILLANTE PAPEL DOS NOS@S ATLETAS NA FASE LOCAL DE CAMPO A TRAVÉS ESCOLAR

Un ano máis,os nosos/as atletas tiveron unha destacada  participación na Fase Local de campo a través celebrada na mañá de hoxe no campo de fútbol das" Eiroas".

O noso centro estivo representado por 94 nenos/as das categorías benxamín, alevín e infantil feminino e masculino.

Aínda que tódolos nen@s realizaron un gran papel, hai que destacar as medallas de ouro de Tirso Ramos e Hugo García; a de plata de Guillermo Pastoriza e a de bronce de Nicolás Lema.

A todo isto, hai que añadir a clasificación individual de moitos nenos/as e  posiblemente  dalgún equipo, o que fai pensar, agardando a que a Federación Galega de Atletismo publique as clasificacións definitivas; que o noso centro estará representado por un nutrido grupo de atletas na Fase Intercomarcal, que se celebrará o  sábado 18 de Xaneiro do 2020 no circuito do Parque dos Menhires( A Coruña).

  

Quero aproveitar esta entrada, para dar as grazas  a Nerea, Chus, Lucía e Sarai , polo seu excelente traballo e colaboración no desenvolvemento da xornada de hoxe. Moitas grazas!

Tampouco me quero olvidar do excelente comportamento dos nenos/as, e do apoio incondicional de tódolos pais e nais que se achegaron ata o circuito para animar aos nenos/as.

Moitas Grazas! 

Noraboa a tod@s polo voso esforzo!!!!

EQUIPO INFANTIL MASCULINO

EQUIPO INFANTIL FEMININO

EQUIPO ALEVÍN MASCULINO

EQUIPO ALEVÍN FEMININO

EQUIPO BENXAMÍN MASCULINO

EQUIPO BENXAMÍN FEMININO

GUILLERMO PASTORIZA  2º CLASIFICADO INFANTIL MASCULINO

TIRSO RAMOS 1º CLASIFICADO ALEVÍN MASCULINO

NICOLÁS LEMA E HUGO GARCÍA

3º E 1º CLASIFICADOS BENXAMÍN MASCULINO

PDC. FASE LOCAL DE CAMPO A TRAVÉS ESCOLAR 2019

Un ano máis, o noso centro terá unha amplia representación na Fase Local de campo a través escolar, xa que, serán 94 atletas do noso centro,os que participarán o próximo venres 29 de novembro( sempre que as condicións metereolóxicas o permitan) nesta proba.

Esta actividade forma parte do Programa Xogade, englobado no Proxecto Deportivo do noso centro.

As probas desenvolveranse no circuito do campo de fútbol das Eiroas de Carballo.

Os horarios das probas serán  os seguintes:

10.45:  Infantil masculino ( 6º E.Primaria)
11.00:  Infantil feminino ( 6º E.Primaria)
11.15:  Alevín masculino ( 4º e 5º E.Primaria) 
11.30:  Alevín feminino ( 4º e 5º E.Primaria) 
11.45:  Benxamín masculino ( 2º e 3º E.Primaria) 
12.00:  Benxamín feminino ( 2º e 3º E.Primaria) 

Moita sorte a tod@s!

NOTICIA EN LA VOZ DE GALICIA-CARBALLO

NOTICIA NA WEB DO CONCELLO

PDC.RECREOS ACTIVOS:SEGUNDA LIGA DE BALONCESTO ESCOLAR

   

           

        

Hoxe comezou no noso centro a II liga escolar de baloncesto 3x3, que se desenvolverá ata finais do mes de Marzo nos recreos dos martes .

Esta  iniciativa  está organizada polo Basket Xiria, coa intención de facer uns recreos máis saudables e entretidos.

Nela participan os alumnos/as de 3º e 4º de E.Primaria.

DOSSIER INFORMATIVO 

PDC. DATAS DAS FASES DE CAMPO A TRAVÉS ESCOLAR

As datas para as distintas fases de Campo a través escolar 2019/2020 son as seguintes:

• Fase Local de Carballo : venres 29 de novembro no circuito do Polígono  Industrial de Bértoa.
• Fase Intercomarcal: Sábado 18 de xaneiro do 2020 no circuito do parque dos Menhíres( A Coruña)
• Fase Provincial clubs e colexios: Sábado 1  de febreiro  de 2020 na Pobra do Caramiñal ( A Coruña)
• Fase Provincial de centros educativos: venres  6 de marzo  de 2020 en Carballo( A Coruña)
• Campionato  Galego: Sábado 15 de  febreiro do 2020 en Pontevedra.

PDC. COMEZARON OS RECREOS ACTIVOS.

Despois da boa acollida que tiveron o curso pasado,hoxe comezaron os "recreos activos", coa idea de mellorar a organización e convivencia durante os períodos de recreo.

Os obxectivos desta proposta son:
 

1)  Estimular as habilidades sociais de respecto, traballo en equipo e deportividade durante os recreos.

2) Crear un ambiente de recreos positivo e activo que mellore o clima interno do colexio onde a conciencia intergrupal, solidariedade, o respecto e a tolerancia sexan o eixo vertebrador dos tempos de descanso e esparexemento.

Ao igual que no curso pasado,establecéronse 4 zonas diferentes de xogo acorde a un calendario rotatorio , onde os alumn@s poden participar   segundo as súas preferencias e intereses .

Estas zonas de xogo son as seguintes:

Zona 1. Xogos tradicionais(trompos, canicas,diábolos,bolos,zancos,etc...)
Zona 2. Cachibol e xogos tradicionais( tres en raia, mariolas,twister)
Zona 3. Bádminton e Ultimate.
Zona 4. Fútbol( cada curso participa só unha vez á semana) e baloncesto.

Para organizar as zonas e distribuir o material, contamos coa inestimable axuda dalgúns alumn@s de 6º de E.Primaria.

PDC.BICIBÚS & EDUCACIÓN VIAL.

Englobada dentro das actividades da Semana Europea da Mobilidade que organiza o concello de Carballo, hoxe arrancou  o bicibús, sendo o noso centro o que inaugurou este ano a experiencia, que consiste en que os nenos e as nenas vaian ao cole en bici.

Esta actividade  desenvolveuna o voluntariado do Club Ciclista Carballo a un Paso, organizando na pista polideportiva,un circuito de seguridade viaria na que participou o alumnado do noso centro ao longo de toda a mañá.

NOTICIA NA VOZ DE GALICIA-CARBALLO

BENVID@S AO CURSO 2019-2020

Plufi quere darvos a benvida ao novo curso escolar 2019-2020, en particular aos que chegades por primeira vez ao noso centro.

Espérovos o mércores 11 de setembro para disfrutar movéndonos.

Ata ao mércores!

BO VERÁN A TOD@S!

Finaliza un novo curso no que agardo que disfrutásedes das clases de educación física, e que no voso recordo, queden  os bos momentos que pasamos.

Moitas grazas a tod@s por visitar o blog.

Vémonos de novo o once de Setembro para seguir "disfrutando movéndonos".

Un saúdo e bo verán a tod@s.

PDC. ACROSPORT 6º E.PRIMARIA

Hoxe pola tarde celebramos un novo festival de fin de curso no Pazo da cultura, baixo o título de "A Cristina dá a volta ao mundo". O tema central foron as músicas do mundo, con coreografías de diversos países.  Os rapaces de sexto curso quixeron aportar como despedida o seu graniño de area, representando unha coreografía de acrosport.

Quero darlles as grazas e a noraboa a tod@s eles, polo seu esforzo durante todos estes días.O esforzo mereceu a pena!

Tamén, felicitar a nosa mestra de música Nerea, pola súa colaboración no desenvolvemento do Proxecto deportivo de centro ao longo deste curso que estamos a piques de rematar, e sobre todo, polo seu gran traballo na organización deste evento. Noraboa compañeira! Que luxo contar con profesionais coma ti!

Podedes ver algunhas fotografías do festival neste enlace de La Voz de Galicia-Carballo: FESTIVAL FIN DE CURSO

VÍDEO COREOGRAFÍA ACROSPORT

PDC. A ANPA FONTE DA CRISTINA APORTA NOVO MATERIAL PARA O XIMNASIO DO NOSO CENTRO.

A Anpa Fonte da Cristina comprou para ao ximnasio do noso centro unha nova colchoneta quitamedos.

Desde o departamento de Educación Física quero darlle as grazas por esta nova aportación, da cal, os nosos alumn@s disfrutarán o próximo curso.

Moitas grazas!

DESPEDIDA DOS ALUMN@S DE SEXTO CURSO.

Como todos os anos, chega un dos momentos máis difíciles e duros do curso, a despedida do alumnado de sexto curso.

Para min non é nada fácil despedirme de vós, xa que, foron oito cursos moi intensos, onde disfrutei moito aportando o meu graniño de area na vosa formación como alumn@s, pero sobre todo, como persoas.

Ao longo destes anos, intentei dar o mellor de min e tentei ser o máis xusto posible con tod@s vós. Seguramente me equivocara moitas veces e tomara decisións que non vos gustaron, pero fixeno pensando no voso ben. 

O meu único obxectivo foi facer que disfrutárades da actividade física e o deporte, e que teñades uns valores que vos axuden a mellorar o día de mañá.

Compartir tantas experiencias  nas clases de educación física durante tantos cursos, fará que non me esqueza nunca de vós e botareivos moito de menos, porque o pasei realmente ben ao voso lado.

Espero que vos vaia todo xenial na vida, que saiades adiante e que aprendades a importancia que ten o esforzo para alcanzar os vosos soños.

Moitas grazas por facerme partícipe das vosas vidas!

Unha aperta moi forte para tod@s!

Ata sempre!!!

PDC.O ALUMNADO DE SEXTO CURSO PUXO FIN ÁS CAMIÑATAS SAUDABLES POR ESTE CURSO

Como antesala á súa despedida, os alum@s de sexto curso de E.Primaria puxeron fin ás camiñatas saudables por este curso, iniciativa que pretendemos que teña continuidade no curso 2019-2020.

PDC.CONTINUAMOS COAS CAMIÑATAS SAUDABLES

Continuamos  coas camiñatas saudables. Hoxe tocoulle o turno ao alumnado de 5º de E.Primaria.
                               

PDC. ENCARGADOS DOS RECREOS ACTIVOS DO CURSO 2018-2019

Para organizar as zonas e distribuir o material dos "recreos activos" este curso que está a piques de rematar, contamos coa inestimable axuda de Paula, Iria, Nerea Cobas, Nerea Alonso, Thalia, Uxía, Aday, Martín, Anxo, Juan, Axel, David, Antón e Marcos, alumn@s de 6º de E.Primaria.

Por iso, hoxe quixemos ter un detalle de agradecemento con todos eles, e  regalámoslles un zapatillero, para agradecerlles o seu traballo.

Moitas grazas polo voso gran  traballo!      

   

PDC. IX CARREIRA POPULAR 10 K CONCELLO DE CARBALLO

O noso colexio terá un ano máis, unha nutrida representación na  IX Carreira Popular 10 Km Concello de Carballo que se celebrará este próximo domingo.

Agardo que os nen@s disfruten dunha mañá deportiva, na que as rúas de Carballo se convertirán de novo, nunha auténtica festa do atletismo.

 OS HORARIOS DAS PROBAS SON OS SEGUINTES:

12.15: INFANTIL, ALEVÍN.
12.35: BENXAMÍN.
12.45: PITUFOS: 2012,2013,2014,2015,2016.

Moita sorte a tod@s!

PDC. FASE FINAL DA LIGA ESCOLAR DE BALONCESTO 3X3

Mañá celebrarase no pavillón Bergantiños, a Fase final da Liga escolar de baloncesto 3x3 organizado polo Basket Xiria, na que estarán presentes os campións dos colexios que participaron ao longo deste curso   nesta liga.

O noso colexio estará representado por dous equipos, os Warriors e os Alfas.

Moita sorte e a desfrutar da experiencia!