BOAS FESTAS A TODOS/AS!

 

 

Quero aproveitar estas datas, para desexarvos un bo Nadal e un deportivo 2024.

Boas festas a todos/as!

DATAS DAS FASES DE CAMPO A TRAVÉS ESOLAR 2023-2024

 

As datas previstas  para  as fases de Campo a través escolar 2023/2024 son as seguintes:

• Fase Local de Carballo : venres 26 de xaneiro do 2024, no circuito do Polígono  Industrial de Bértoa.

• Campionato Provincial de centros escolares: venres 15 de marzo de 2024 en Porto do Son.

COÑECE O MEU CLUB: ESCOLA BASKET XIRIA

Hoxe estiveron no noso centro Arturo e Jordi, adestradores do Basket  Xiria, para facer unha presentación práctica e lúdica do seu deporte.

Hoxe tocoulle o turno ao alumnado de 1º,4º e 6º de Educación Primaria.

Esta actividade terá continuidade o mércores  xoves desta semana co alumnado de 2º,3º,5º A e 5º B.

Moitas grazas a Arturo e Jordi por adicarnos parte do seu tempo a ensinarnos o seu deporte.

COÑECE O MEU CLUB: ESCOLAS BALONMÁN XIRIA

Hoxe estivo no noso centro Zarra, adestrador das Escolas Balonmán Xiria,para facer unha presentación práctica e lúdica do seu deporte, explicar o funcionamento do club (localización, horarios de adestramento, competicións…)

Con este programa de Xogade ( Xogos deportivos en idade escolar) preténdese que os escolares do noso centro coñezan os recursos deportivos dispoñibles en Carballo. Ofrecéndolles así unha alternativa de ocupación para o seu tempo libre e fomentándose a práctica da actividade física entre a nosa poboación escolar. Con esta actividade desde o centro buscamos poñer en mans do noso alumnado a maior cantidade de recursos posibles, que lles axuden a conseguir uns hábitos cada vez máis activos e saudables, creando así un vínculo importante entre o centro e os clubs da nosa localidade.

Hoxe tocoulle o turno ao alumnado de 5º A e de 3º de Educación Primaria.

Esta actividade continuará mañá co alumnado de 2º,4º e 5º B, e o próximo luns, co alumnado de 1º e 6º de E.Primaria.

Moitas grazas a Zarra por adicarnos parte do seu tempo a ensinarnos o seu deporte.

PRESENTACIÓN ASIGNATURA DE EDUCACIÓN FÍISICA CURSO 2023-2024

 

PRESENTACIÓN ASIGNATURA DE EDUCACIÓN FÍSICA CURSO 2023-2024

BENVIDOS/AS AO CURSO 2023-2024

Plufi quere darvos a benvida ao novo curso escolar 2023-2024, en particular aos que chegades por primeira vez ao noso centro.

Espérovos o luns día 11 deste mes, para desfrutar movéndonos.

Ata moi pronto!

BO VERÁN A TODOS/AS!

 

Finaliza un novo curso no que agardo que desfrutásedes das clases de educación física, e que no voso recordo, queden  os bos momentos que pasamos.

Moitas grazas a todos/as por visitar o blog.

Vémonos de novo o 11 de Setembro para seguir "desfrutando movéndonos".

Unha aperta moi grande e bo verán a todos/as.

DESPEDIDA DO ALUMNADO DE SEXTO DE EDUCACIÓN PRIMARIA

Un curso máis, e xa van catorce neste colexio, chegou o momento de despedirme do alumnado de sexto curso.

Foron nove cursos compartindo con vós moitos momentos,onde disfrutei moito aportando o meu graniño de area na vosa formación como alumnos/as, pero sobre todo, como persoas.

 

O meu principal obxectivo foi facer que disfrutárades da actividade física e o deporte, e que ao final desta etapa teñades uns valores que vos axuden a mellorar o día de mañá.

Espero que vos vaia todo moi ben nas vosas vidas, que saiades adiante e que aprendades a importancia que ten o esforzo para alcanzar os vosos soños. 

Moitas grazas por facerme partícipe das vosas vidas!

Unha aperta moi forte para todos/as!

Ata sempre!!!