O departamento de Educación Física deste centro, comunica aos pais e nais dos alumn@s que é necesaria a súa colaboración para un desenvolvemento axeitado das actividades desta área.
- O chándal é imprescindible para facer exercicio físico por ser unha peza cómoda e axeitada. A marca, forma, cor... son aspectos secundarios.
- O calzado deportivo axeitado evita moitas lesións, malformacións e outros problemas. Chanclas ou zapatillas de lona fina non son adecuadas.
- Tanto o chándal coma as zapatillas deportivas deberán estar dispoñibles o día da práctica e en perfectas condicións hixiénicas.
- Teña como norma que o neno/a se duche sempre que tivese Educación Física e non lle permita poñerse de novo o chándal sen antes telo lavado. Sería recomendable ter dúas equipacións.
- É obrigatorio que o seu fillo/a traia a clase unha bolsa de aseo. Inclúalle nela xabón líquida e unha toalla para poder asearse ou ducharse ao final de cada clase.
- Por último, é necesario traer un xustificante (médico ou dos pais) no caso de que non poida facer Educación Física por motivos de enfermidade ou lesión.
No hay comentarios:
Publicar un comentario