BENVIDA

Ola a tod@s!

Nesta nova aventura na rede, irei reflexando todos aqueles aspectos relacionados co mundo da educación Física .

" Disfrutamos movéndonos" é a primeira pedra dun proxecto onde as novas tecnoloxías estarán presentes nas sesións de Educación Física. Nel, reflexarei as nosas experiencias nas distintas unidades didácticas que traballaremos ao longo do curso, fotografías, vídeos,etc...

Un saúdo e benvidos a " Disfrutamos movéndonos".

domingo, 27 de noviembre de 2011

XOGAMOS CO ATLETISMO VI

AS OLIMPIADAS

Os Xogos Olímpicos, ou Olimpíadas, son eventos deportivos multidisciplinarios nos que participan atletas de diversas partes do mundo, na antiga Grecia eran dedicados ao deus Zeus. Existen dous tipos de Xogos Olímpicos: os Xogos Olímpicos de Verán e os Xogos Olímpicos de Inverno, que se realizan cun intervalo, entre eles, de catro anos. A organización encargada da realización dos mesmos é o Comité Olímpico Internacional (pola súa abreviatura, COI).

Os Xogos Olímpicos actuais inspiráronse nos do século VIII a.C organizados polos antigos gregos na cidade de Olimpia, entre os anos 776 a. C. e o 393 d. C. No século XIX, xurdiu a idea de realizar uns eventos similares aos organizados na Antigüedade, os que se concretarían mentalmente grazas ás xestións do nobre francés Pierre Frèdy, Barón de Coubertin. A primeira edición dos chamados Xogos Olímpicos da Era Moderna realizouse en Atenas, capital de Grecia. Desde aquela oportunidade, os Xogos Olímpicos de Verán foron realizados cada catro anos en diversas partes do planeta, sendo as únicas excepcións as edicións de 1916, 1940 e 1944, debido ao estalido da Primeira e Segunda Guerra Mundial.

O símbolo olímpico consiste en cinco aneis que representan o cinco continentes do mundo: África, América, Asia, Europa e Oceanía. Están entrelazados para simbolizar a amizade deportiva de todos os pobos.

Os Xogos Olímpicos de Inverno realizáronse por primeira vez en 1924, na localidade francesa de Chamonix. Orixinalmente realizados como parte do evento de verán, o COI considerounos como un evento separado retroactivamente, e desde esa data comezaron a realizarse no mesmo ano que os Xogos orixinais. Posteriormente, co fin de potenciar o desenvolvemento dos eventos invernais, o COI decidiu desfasar a realización dos Xogos Olímpicos de Inverno a partir de Lillehammer 1994. Desde esa data, os Xogos Olímpicos de Inverno realízanse nos anos pares entre dous Xogos de Verán. En 2007, o COI decidiu incorporar un novo tipo de evento: os Xogos Olímpicos Xuvenís, que comezarán a celebrarse a partir de 2010 e 2012 nas súas edicións de verán e inverno, respectivamente.

Os próximos Xogos Olímpicos de Verán celebraranse en Londres, Reino Unido, no ano 2012, mentres que os Xogos Olímpicos de Inverno celebraranse en Sochi, Rusia, no ano 2014.









No hay comentarios:

Publicar un comentario