BENVIDA

Ola a tod@s!

Nesta nova aventura na rede, irei reflexando todos aqueles aspectos relacionados co mundo da educación Física .

" Desfrutamos movéndonos" é a primeira pedra dun proxecto onde as novas tecnoloxías estarán presentes nas sesións de Educación Física. Nel, reflexarei as nosas experiencias nas distintas unidades didácticas que traballaremos ao longo do curso, fotografías, vídeos,etc...

Un saúdo e benvidos a " Desfrutamos movéndonos".

lunes, 4 de marzo de 2013

XOGAMOS AO BÁDMINTON




Os alumn@s de terceiro Ciclo de E.Primaria( quinto e sexto), inician esta semana a última unidade didáctica da 2ª Avaliación que leva como nome: " XOGAMOS AO BÁMINTON".

O Bádminton é un deporte dos considerados alternativos dentro da programación de educación física, no cal, trabállanse as habilidades coa raqueta.

Ao xogo chamóuselle bádminton en Gloucesterchire (Inglaterra).

MATERIAIS PARA XOGAR AO BÁDMINTON:
Para xogar ao bádminton é necesario: 1 raqueta, 1 volante e a rede ou pista. Pódese xogar ao aire libre ou nun lugar pechado.

REGRAS DO BÁDMINTON:

O bádminton é un xogo de raqueta, e pelota (chamada volante), en aparencia lixeiro e agradable. Pero o feito de que a pelota pese tan só uns poucos gramos non impide que se trate en realidade dun deporte duro e esixente, de movemento continuo, que require elasticidade e resistencia.
No bádminton enfróntanse dous xogadores, ou dúas parellas. Os xogadores ou parellas sitúanse nas metades opostas dunha pista rectangular dividida por unha rede.

O obxectivo consiste en lanzar o volante de corcho ou plumas por enriba dunha rede nunha pista sinalizada. O xogador lánzao, recíbeo e vólveo a lanzar. Todo iso sen permitir que chegue a tocar o chan.

COMO SON AS RAQUETAS?

As raquetas son lixeiras, cun peso de entre 70 e 100 gramos, sen cordaxe. As raquetas diferéncianse basicamente polo material do que están feitas. As máis baratas son as metálicas e utilízanse como raquetas de iniciación ou raquetas escolares. Os seguintes modelos en canto a calidade adoitan ter a cabeza metálica e a cana, de carbono ou grafito. Para rematar as raquetas de competición son todas dunha peza de carbono e a súa calidade varía segundo a cantidade das láminas de carbono que ten na súa estrutura.


A raqueta mide 66 cm de longo aproximadamente, mentres que a súa cabeza ten 21 cm na súa parte máis ancha.

COMO É O VOLANTE?  
 
O volante, chamado coloquialmente mosca ou gallito, ten unha base de corcho con 16 plumas de ganso axustada para darlle estabilidade. As plumas fanse agora de nailon ou plástico.

COMO É O TERREO DE XOGO?


A cancha é rectangular dividida en dúas metades por unha rede. A anchura total é de 6,1 m e en individuais redúcese a 5,18m. A lonxitude é de 13,4 m. A rede álzase a 1,55 m nos laterais e 1,52 m no centro. Os postes suxeitan a rede e sitúanse fóra da liña de dobres, ata cando se xogan en individual.

COMO SE XOGA? 

O xogo comeza cun saque desde a zona da dereita á diagonalmente oposta e continúa co peloteo ata que un dos dous xogadores ou parella comete unha falta. O xogo desenvólvese con gran rapidez. Considérase falta cando:
-o volante toca o chan.
-o volante non pasa a rede.
-o volante cae fóra da pista ou dá no teito.
-o volante é golpeado dúas veces.
-Tamén é falta non facer saque correctamente, fintar, obstruir, ou molestar para conseguir unha vantaxe pouco limpa.

No hay comentarios:

Publicar un comentario