RESULTADOS 1ª XORNADA VI TORNEO DE BÁDMINTON DA CRISTINA

 

5º CURSO

ANA-LUCÍA	21-19
CELIA-LÍA	21-2
SABELA-AROA	21-10
LOUANE-NOA	21-18

 

6º CURSO

SOFÍA-LUCÍA CANCELA	21-15
DANIELA-SHEILA	25-23
NICOLÁS-DANIEL	21-13
MARTÍN-ANXO	21-10
ISAAC-IZAN	21-18
ISAAC-MARTÍN	21-11

* EN NEGRITA OS CLASIFICADOS/AS PARA A SEGUINTE RONDA.

VI TORNEO DE BÁDMINTON DA CRISTINA

Os alumnos/as de 5º e 6º de E.Primaria comezarán esta semana o VI Torneo de Bádminton da Cristina. Ao longo das próximas semanas celebraranse os partidos nas clases de educación física e nos recreos.

Moita sorte a todos/as!

APRENDE A TRAVÉS DO SURFING

O noso centro forma parte durante este curso do proxecto "Aprende a través do Surfing" que se desenvolve en colaboración coas Federacións Española e Galega de Surfing e o Comité Olímpico Español. Nel están inmersos seis concellos e seis escolas de surfing de Galiza.

Este programa educativo ten entre outros obxectivos, o de ligar o proxecto co desenvolvemento dunha Reserva Local de Surfing e posterior candidatura da Costa da Morte a Reserva Mundial do Surfing.

É un programa a medio e longo prazo que pretende introducir o surfing nas aulas, potenciar a cultura oceánica e a sostenibilidade.

O luns, martes e mércores desta semana, dous monitores de surf, David Blanco( presidente da asociación nacional " Surf and Clean") e  Martín Varela ( director da escola de surf "Boaola"), estiveron desenvolvendo unhas sesións de iniciación ao surfing aos alumnos/as de todos os cursos de Educación Primaria, onde nos transmitiron a súa paixón polo Surfing e todos os valores desta modalidade.

Estas sesións terán continuidade cunhas xornadas de convivencia  na praia de Razo onde os nenos/as terán a oportunidade de desfrutar dun bautismo de surf, coñecer a cultura oceánica  e experimentar todos os valores do surfing.

Quero agradecer a David e Martín, a súa absoluta disponibildade e a maneira de transmitir con tanta ilusión e entusiasmo a súa forma de vida.

Moitas grazas aos dous.

 

Aquí vos deixo algunhas fotos da actividade. 👇

                 

                 APRENDE A TRAVÉS DO SURFING 1º E 2º E.PRIMARIA 

                 APRENDE A TRAVÉS DO SURFING 3º E 4º E.PRIMARIA

                     

 APRENDE A TRAVÉS DO SURFING 5º E 6º E.PRIMARIA 

NOTICIA EN LA VOZ DE GALICIA-CARBALLO

OS BAÑOS DO XIMNASIO XA SON UNHA REALIDADE.

Despois de doce anos solicitando a construción duns baños no ximnasio, por fin neste curso, xa son toda unha realidade.

Esta era unha obra prioritaria e necesaria para o alumnado do noso centro, xa que, o ximnasio carecía de baños.

Os novos baños destacan pola súa amplitude, luminosidade e accesibilidade, o que  facilitará o desenvolvemento e aproveitamento das sesións de psicomotricidade e educación física.

BO NADAL E FELICES FESTAS.

Quero aproveitar estas datas, para desexarvos un bo Nadal e un deportivo 2021.

Boas festas a todos/as!

CALIGRAMA DOS ÓSOS DO CORPO

SEMANA EUROPEA DA MOBILIDADE

O Concello de Carballo súmase un ano máis á Semana Europea da Mobilidade, na que participan 2.505 cidades de 47 países. O programa, deseñado pola Concellaría de Mobilidade coa colaboración da área de Igualdade. 

O contido do programa,  estará marcado polas restricións derivadas da situación sanitaria e polas medidas preventivas pola COVID-19. Por iso en todas as actividades faranse grupos reducidos, respectaranse o uso de máscara, a distancia de seguridade ou, no seu caso, a desinfección dos obxectos que se utilicen. Por primeira vez, ademais, Carballo participará no Día sen Coches, unha iniciativa que se desenvolverá simultaneamente en distintos barrios urbanos, nos que se cortarán rúas para que as ocupen os peóns con xogos e actividades e para visibilizar unha transformación urbana que pouco a pouco vai chegando a toda a vila.

O Día sen Coches coincidirá coa celebración da actividade “Pedaleando pola igualdade”, que a Concellaría de Igualdade tivo que suspender en marzo. Con esta actividade, na que tamén colabora o Club Ciclista Carballo, trátase de “darlles recursos ás mulleres para poder andar en bicicleta e que se sintan libres”.

A Asociación Ambiental Senda Nova guiará por segundo ano unha ruta pola beira do Anllóns dende a Ponte de Bértoa ata o Muíño da Cheda “para poñer en valor tamén as marxes dos ríos, que son dos poucos lugares que quedan con vexetación autóctona”. 

Íntegro repite colaboración,co " Día da Accesibilidade", que se desenvolverá  o luns 21, ocupando con cadeiras de rodas varias prazas de aparcamento para que a xente que ocupa as prazas para persoas con mobilidade reducida vexa o mal que se sentiría se lle pasase a eles. Ese mesmo día, pola tarde haberá unha ruta con cadeiras de rodas para “chequear” a accesibilidade da contorna do Fórum.

O programa da Semana Europea da Mobilidade celebrarase dende o 16 ata o 22 de setembro. Tes todos os detalles aquí abaixo.👇

👉PROGRAMA SEMANA EUROPEA DA MOBILIDADE