CARREIRAS POPULARES DE A LARACHA, A SILVA E CARBALLO

Xa está aberto o prazo de inscrición para as carreiras populares de A Laracha( 10 de Maio), A Silva( 31 de Maio) e Carballo(21 de Xuño).

Se estás interesado en participar nalgunha delas, anímate, e clickea nos seguintes enlaces. 

REGULAMENTO

INSCRICIÓN 

REGULAMENTO

INSCRICIÓN 

 REGULAMENTO

INSCRICIÓN 

O CEIP A CRISTINA DESTACA NA I CARREIRA POPULAR" DE DOUS EN DOUS"

                                                                                      Mónica Noya

Os alumn@s do noso centro tiveron unha destacada actuación na I Carreira popular " de Dous en Dous", que se celebrou en Carballo o pasado sábado.

Nunha tarde deportiva, familar e moi emotiva, os cerca de oitenta    atletas do Ceip A Cristina, deixaron constancia do seu bo facer en tódalas categorías nas que participaron.

Aínda que tod@s tiveron unha boa actuación, hai que destacar, o primeiro e terceiro posto de Lucía Carro e Alicia Abelenda na categoría alevín feminino; e o terceiro posto de David Pandelo nesta mesma categoría. José Manuel Negreira acadou a medalla de prata na categoría benxamín masculino; e Alejandro Brandón, o terceiro posto na categoría infantil mascuilino.

Noraboa a tod@s polo voso esforzo e solidariedade!!!!

RESULTADOS POR CATEGORÍAS

O CEIP A CRISTINA TERÁ UNHA AMPLIA REPRESENTACIÓN NA I CARREIRA POPULAR "DE DOUS EN DOUS"

O noso centro estará representado por un nutrido grupo de  atletas,72 en total, na I  carreira popular " De dous en dous" que se celebrará en Carballo o próximo sábado día 11 de Abril a partir das 19.45 horas.Os alumn@s do noso centro participarán nas categorías pitufo, benxamín, alevín e infantil, tanto feminino como masculino.

Está proba está  organizada polo  Atletismo Carballo en colaboración co Concello, ademais será unha proba oficial da Federación Galega de Atletismo. A cita conta con varias peculiaridades. Así, en primeiro lugar, o feito de que os participantes na categoría de adultos correrán por parellas, de dous en dous, unidos por unha goma elástica polas mans. En segundo lugar, o horario, xa que a carreira será nocturna. En terceiro, o seu carácter solidario, posto que tanto os participantes coma o público poderán entregar, de forma voluntaria, un quilo ou un litro de alimentos non perecedoiros a beneficio de Cruz Vermella e Cáritas. E, por último, é unha carreira integradora, xa que se fomenta a participación de persoas con diversidade funcional, que poderán ir acompañadas ou utilizar os instrumentos necesarios para o seu desprazamento durante o percorrido na forma máis convinte.  A saída de todas as probas estará situada na rúa Gran Vía, á altura da rúa Álvarez de Sotomayor. A recollida de dorsais farase o mesmo día, a partir das 16.00 horas, no primeiro andar do mercado municipal.

Podedes consultar o regulamento e os horarios das probas no seguinte enlace:

REGULAMENTO E HORARIOS

A recollida de dorsais farase no primeiro andar do Mercado Municipal de abastos da praza do Concello de Carballo a partir das 17:00 h. do día da carreira

 PERCORRIDOS DAS DISTINTAS CATEGORÍAS

I CARREIRA POPULAR "DE DOUS EN DOUS"

O Atletismo Carballo, en colaboración co Concello de Carballo  organiza a Iª Carreira Popular por parellas “DE DOUS EN DOUS” que se celebrará o vindeiro 11 de Abril do 2015. Esta proba, terá un carácter solidario á favor dos máis desfavorecidos e será nocturna. Proba oficial da F.G.A.

CIRCUITO: a saída de tódalas probas estará na rúa Gran Vía á altura da rúa Álvarez de Sotomayor.

INSCRICIÓNS: as inscripcións pecharanse unha semana antes da proba, o 4 de abril do 2015 e haberá un tope de 600 participantes.

Serán gratuitas para todas as categorías, coa opción “non obrigatoria e solidaria” de entregar un litro ou Kilo de comida non perecedeira ó recoller o dorsal en beneficio de Cruz Roja e Cáritas.

RECOLLIDA DE DORSAIS: farase no primeiro andar do Mercado Municipal de abastos da praza do Concello de Carballo a partir das 16:00 h. do día da carreira.

PARTICIPANTES CON DIVERSIDADE FUNCIONAL:

1º.- As persoas con diversidade funcional poderanse rexistrar nunha distancia inmediatamente inferior da idade correspondente, se o xulgan oportuno. Así o farán saber á organización ou mediante un mail a info@carreirasgalegas.com.

2º.- Os participantes con diversidade funcional poderán ir acompañados ou utilizar os instrumentos necesarios para o seu desplazamento durante todo o percorrido na forma que decidan máis conveniente.

PREMIOS:

• Categoría Pitufo: terán medalla tódolos participantes.
• Categoría Benxamín feminino e masculino: trofeos para os tres primeiros/as  corredores/as e medallas para tódolos participantes.
• Categoría Alevín feminino e masculino: trofeos para os tres primeiros/as  corredores/as e medallas para tódolos participantes.
• Categoría Infantil feminino e masculino: trofeos para os tres primeiros/as  corredores/as e medallas para tódolos participantes.
• Categoría Cadete feminino e masculino: trofeos para os tres primeiros/as  corredores/as.

- POR PARELLAS:

• Trofeos para os tres primeiros equipos masculinos.
• Trofeos para os tres primeiros equipos femininos.
• Trofeos para os tres primeiros equipos mixtos.
• Trofeos para os tres primeiros equipos masculinos, femininos ou mixtos que superen os 100 anos entre os dous. 

 Anímate e participa!!! Non o penses, corre!!!

INSCRICIÓNS

XURXO PENA CLASIFICOUSE PARA O CAMPIONATO GALEGO DE PISTA CUBERTA

Xurxo Pena, alumno de 4º de E.Primaria,logrou a marca mínima para participar nos 50 metros lisos no Campionato Galego de pista cuberta, que terá lugar o vindeiro sábado  no Pazo de Deportes de Riazor( A Coruña).

Moita sorte e noraboa!!!! 

PLATAFORMA DAFIS (Datos sobre a Valoración da Condición Física Saudable)

O noso colexio como centro participante no Plan Proxecta de Innovación Educativa da Consellería de Cultura, Educación e Ordenación Universitaria, acaba de dar un paso máis dentro deste proxecto, marcándose como un novo obxectivo, que o alumnado do centro adquira e consolide unha vida activa e saudable. Para iso, unha das actuacións consideradas neste programa educativo, é a valoración da condición física saudable do seu alumnado, cuxos datos serán recollidos e analizados na Plataforma DAFIS.

A Plataforma D.A.F.I.S é unha aplicación informática que permite ao especialista de educación física unha xestión eficaz dos datos do seu alumnado sobre a súa condición física saudable, facilitándolle unha información de calidade para unha posterior toma de decisións tanto nas súas clases de Educación Física coma noutras actividades de promoción da saúde a través da práctica regular de actividade física.

Durante as próximas semanas os alumnos/as dos seis cursos de  Educación Primaria realizarán unha serie de probas seguindo un protocolo no que se valorará: a composición corporal, a forza máxima isométrica, a forza explosiva do tren inferior, a flexibilidade; a velocidade, axilidade e coordinación; a resistencia á forza do tren superior e a resistencia - cardiorespiratoria.

BO PAPEL DE LAURA VILARIÑO E LUCÍA CARRO NO CAMPIONATO PROVINCIAL DE CAMPO A TRAVÉS

Laura Vilariño e Lucía Carro, alumnas de 3º e 5º  de E.Primaria, finalizaron nos postos 19º e 34 º, no Campionato Provincial de Campo a través escolar, celebrado na mañá de onte no circuito da praia de Cabío( A Pobra do Caramiñal).

O postos acadados polas dúas  atletas do noso centro son moi meritorios, xa que, neste Campionato, estaban representadas as mellores atletas da categoría benxamín e alevín da provincia de A Coruña.

Con esta proba  finaliza a nosa participación nos campionatos de campo a través escolar, onde o noso centro estivo presente por quinto ano consecutivo, nas fases Local, Intercomarcal e Provincial.

Desde aquí, quero agradecerlle a tódol@s atletas do noso centro que participaron nas mesmas,o esforzo e comportamento amosado.

Moitas grazas a tod@s!!!!

CLASIFICACIÓNS CAMPIONATO PROVINCIAL DE CAMPO A TRAVÉS