PDC. COÑECE O MEU CLUB:ESCOLA LUBIÁNS DE HOCKEY SOBRE PATÍNS

Dentro das actividades do programa Xogade, englobadas no Proxecto deportivo do centro, está o programa " Coñece o meu club", co cal se pretende que os alumnos/as coñezan os recursos deportivos dispoñibles na nosa poboación. 

Deste xeito, ofréceselles  unha alternativa de ocupación para o seu tempo libre e foméntase a práctica da actividade física entre a nosa poboación escolar. O que se busca é poñer en mans do noso alumnado a maior cantidade de recursos posibles, que lles axuden a conseguir uns hábitos cada vez máis activos e saudables.

Durante esta semana dous adestradores do Escola Lubiáns de hockey sobre patíns,visitarán o noso centro  para facer unha presentación práctica e lúdica do seu deporte, explicar o funcionamento do club (localización, horarios de adestramento, competicións…) e invitar aos alumnos/as a compartir os seus adestramentos.

Hoxe tocoulle o turno aos alumnos/as de 6º de E.Infantil,2º,5º e 6º de E.Primaria.

Mañá será o turno dos alumnos/as de 3º e 4º de E.Primaria; e o mércores rematarán as sesións cos alumnos/as de 1º de E.Primaria.

 

  

PDC.O NOSO CENTRO INAUGUROU O BICIBÚS

Englobada dentro das actividades da Semana Europea da Mobilidade que organiza o concello de Carballo, onte arrancou unha iniciativa novidosa, o bicibús, sendo o noso centro o que inaugurou a experiencia, que consiste en que os nenos e as nenas vaian ao cole en bici.

Esta actividade está a desenvolverse grazas ao voluntariado do Club Ciclista Carballo a un Paso e á colaboración cos centros educativos, nesta experiencia piloto decidiuse que cada día participase un colexio, e en principio só co alumnado de 6º de Primaria.

LA VOZ DE GALICIA CARBALLO

WEB DO CONCELLO DE CARBALLO

PDC.COMEZARON OS RECREOS ACTIVOS!

Despois da boa acollida que tiveron o curso pasado,hoxe comezaron os "recreos activos", coa idea de mellorar a organización e convivencia durante os períodos de recreo.

Os obxectivos desta proposta son:
 

1)  Estimular as habilidades sociais de respecto, traballo en equipo e deportividade durante os recreos.

2) Crear un ambiente de recreos positivo e activo que mellore o clima interno do colexio onde a conciencia intergrupal, solidariedade, o respecto e a tolerancia sexan o eixo vertebrador dos tempos de descanso e esparexemento.

Ao igual que no curso pasado,establecéronse 4 zonas diferentes de xogo acorde a un calendario rotatorio , onde os alumn@s poden participar   segundo as súas preferencias e intereses .

Estas zonas de xogo son as seguintes:

Zona 1. Xogos tradicionais(trompos, canicas,diábolos,bolos,etc...)
Zona 2. Cachibol e xogos tradicionais( tres en raia, mariolas,twister)
Zona 3. Brilé, Balonmán,Bádminton e Ultimate.
Zona 4. Fútbol( cada curso participa só unha vez a semana) e baloncesto.

Ademais cada curso dispón de cordas para facer xogos como saltar á comba,etc... 

Para organizar as zonas e distribuir o material, contamos coa inestimable axuda dalgúns alumn@s de 6º de E.Primaria.

BENVIDOS AO CURSO 2018/2019

Plufi quere darvos a benvida ao novo curso escolar 2018-2019, en particular aos que chegades por primeira vez ao noso centro.

Espérovos o mércores 12 de setembro para disfrutar movéndonos.

Ata ao mércores!