Esta mañá celebrouse a Fase local de campo a través escolar, onde un ano máis, os nosos/as atletas tiveron un destacado papel na proba celebrada no circuito permanente do polígono industrial de Carballo.
O noso centro estivo representado por 106 nenos/as das categorías benxamín, alevín e infantil feminino e masculino.
Aínda que todos os nenos/as realizaron un gran papel, hai que destacar a medalla de plata de Águeda Méndez e a de bronce de Mario Amarelle, na categoría benxamín.
Destacar tamén, que os equipos benxamín masculino e feminino acadaron o primeiro posto; e os equipos alevín masculino e feminino o terceiro posto.
Con estes resultados, agargando á publicación das clasificacións definitivas por parte da Federación Galega de Atletismo, teremos unha ampla representación no Campionato Provincial de centros educativos.
Quero aproveitar esta entrada, para dar as grazas a todo o Claustro de mestres/as ,en especial, a Maica, Ana, Patricia ,Carolina, Carme, Óscar e José polo seu excelente traballo e colaboración no desenvolvemento da xornada de hoxe.
Moitas grazas!
Tampouco me quero esquecer do excelente comportamento dos nenos/as, e do apoio incondicional de todos os pais e nais que se achegaron ata o circuito para animar aos nenos/as.
Moitas Grazas!
Noraboa a tod@s polo voso esforzo!!!!
EQUIPO BENXAMÍN FEMININO 1º CLASIFICADO
ÁGUEDA MÉNDEZ 2º CLASIFICADA
BENXAMÍN FEMININO
MARIO AMARELLE 3º CLASIFICADO
BENXAMÍN MASCULINO
EQUIPO ALEVÍN FEMININO 3º CLASIFICADO
No hay comentarios:
Publicar un comentario