COÑECEMOS OS CLUBS DO NOSO CONCELLO

Ao longo desta semana, os clubs Balonmán Xiria e Judo Club Bergantiños, están impartindo no noso centro unhas sesións  dos seus respectivos deportes, facendo unha presentación do seu deporte, e explicando o funcionamento dos seus  clubs (localización, horarios de adestramento, competicións...) e invitando os nenos e nenas  a compartir un dos seus adestramentos.

Con esta actividade o que pretendo por un lado, e que os clubs crezan fomentando o deporte de base e por outro,  facilitar aos nenos e nenas o coñecemento dos recursos deportivos dispoñibles no concello de Carballo, ofrecéndolles  unha alternativa de ocupación para o seu tempo de ocio, fomentando a práctica de actividade física dos nosos escolares,colaborando na consecución de hábitos cada vez máis activos.

Dende o departamento de educación física do centro, quero darlles as grazas a Fernando Vázquez(adestrador do Balonmán Xiria) e a David Anido( adestrador do Judo club Bergantiños) por adicarnos parte do seu tempo a coñecer estas dúas disciplinas deportivas.

Moitas grazas.