O desenvolvemento motor atópase ligado ao pensamento xa que a través do dominio do movemento corporal favorece a relación e a comunicación que se vai a establecer co mundo que rodea á persoa.
Por medio do desenvolvemento motor preténdese conseguir a conciencia do propio corpo en todos os momentos e situacións, o dominio do equilibrio, o control e eficacia das diversas coordinacións globais e segmentarias, o control da inhibición voluntaria da respiración, a organización do esquema corporal e a orientación no espazo, unha correcta estructuración espazo-temporal, as mellores posibilidades de adaptación aos demais e ao mundo exterior e crear unha porta aberta á creatividade, á libre expresión das pulsións en ámbito imaxinario e simbólico e ao desenvolvemento libre da comunicación.
Unha maneira de traballar o desenvolvemento motor son os circuítos, nos que todo o grupo percorre un traxecto durante o cal os nen@s vanse atopando con diferentes exercicios. A saída dáse de maneira progresiva e cando acaban poden volver reinicialo varias veces. Para non fomentar o sentido competitivo entre os nen@s os circuítos son circulares, chegan no mesmo orde que saíron e vólveno a empezar.
Pódense montar circuítos utilizando materiais como módulos de espuma, colchóns,... O tipo de exercicios pode ser moi variado: arrastrarse dentro dun túnel como unha serpe, a continuación pasar gateando dentro dun verme, facer despois volteretas adiante e atrás,etc...
No hay comentarios:
Publicar un comentario