PDC.1ª XORNADA DA II MINIOLIMPIADA 6º PRIMARIA

Hoxe celebramos a 1ª Xornada da II Miniolimpiada de 6º de E.Primaria, coas probas de resistencia e velocidade . Os nen@s  amosaron  un gran nivel nas dúas probas.

PDC. 2ª XORNADA DA II MINIOLIMPIADA 5º PRIMARIA

Hoxe celebramos a 2ª Xornada da II Miniolimpiada de 5º de E.Primaria, coa proba de lanzamento de vortex.

A clasificación está moi igualada e a proba de salto de altura do luns, decidirá o equipo gañador. A emoción está asegurada!

PDC. 1ª XORNADA DA II MINIOLIMPIADA 5º PRIMARIA

Hoxe celebramos a 1ª Xornada da II Miniolimpiada de 5º de E.Primaria, coas probas de resistencia,velocidade e salto de lonxitude. Os nen@s  disfrutaron moito participando e animando aos seus compañeir@s.

PDC. 2ª MINIOLIMPIADA

Os alumn@s de 5º e 6º de E.Primaria para rematar a unidade didáctica de Atletismo, desenvolverán unha Miniolimpiada.Comezamos o 13 de Novembro. 

PDC.O NOSO CENTRO FOI ADMITIDO NO PROGRAMA PDC-CENTROS ACTIVOS E SAUDABLES 2017-2018

O noso centro foi admitido no programa PDC(Proxecto deportivo de centro)- Centros activos e saudables, englobado no Plan Proxecta.

O obxectivo deste programa é o de actuar  como dinamizador e promotor de hábitos de vida activa e saudable, rentabilizando os recursos existentes no seu ámbito de influencia. 

Buscamos que o 100%  dos alumnos e alumnas reciban información e asesoramento de como incorporar no seu día a día, tanto no horario lectivo coma no no- lectivo, actividade física, exercicio físico ou deporte como hábito de vida saudable, así como incrementar, na súa estadía no centro, a práctica de actividade física de calidade.

O obxectivo final será entón o de loitar contra o sedentarismo, creando hábitos que perduren fóra do centro escolar e ao longo de toda a vida, dende a infancia ata a vellez.

PDC. FASE LOCAL DE CAMPO A TRAVÉS ESCOLAR 2017

O vindeiro venres 24 de Novembro, celebrarase no circuíto do Polígono Industrial de Carballo( sempre que as condicións metereolóxicas o permitan), a Fase Local de Campo a través escolar, onde participará unha nutrida representación de alumnos/as do noso centro.

A principios da semana que vén, os nenos/as que xa se inscribiron, recibirán unha nota informativa, onde explicarásevos todos os detalles da citada proba.

Un saúdo. 

PDC. COMEZARON OS RECREOS ACTIVOS!

O pasado dous de Outubro comezaron os "recreos activos", coa idea de mellorar a organización e convivencia durante os períodos de recreo.

Os obxectivos desta proposta son:
 

1)  Estimular as habilidades sociais de respecto, traballo en equipo e deportividade durante os recreos.

2) Crear un ambiente de recreos positivo e activo que mellore o clima interno do colexio onde a conciencia intergrupal, solidariedade, o respecto e a tolerancia sexan o eixo vertebrador dos tempos de descanso e esparexemento.

Establecéronse 4 zonas diferentes de xogo acorde a un calendario rotatorio , os alumn@s poden participar   segundo as súas preferencias e intereses .

Estas zonas de xogo son as seguintes:

Zona 1. Xogos tradicionais(trompos, canicas,diábolos,bolos)
Zona 2. Voleibol-Cachibol e xogos tradicionais( tres en raia, mariolas,twister)
Zona 3. Brilé e Balonmán.
Zona 4. Fútbol( cada curso participa só unha vez a semana) e baloncesto.

Ademais cada curso dispón de cordas para facer xogos como saltar á comba,etc... 

Para organizar as zonas e distribuir o material, contamos coa inestimable axuda dalgúns alumn@s de 6º de E.Primaria.