BOAS FESTAS A TODOS/AS!

Quero aproveitar estas datas, para desexarvos un bo Nadal e un deportivo 2023.

Boas festas a todos/as!

CLASIFICADOS/AS PARA O CAMPIONATO INTERCOMARCAL DE CAMPO A TRAVÉS ESCOLAR

 A Federación Galega de Atletismo acaba de publicar as clasificacións da Fase Local de campo a través celebrada onte, e podemos dicir, que estamos de noraboa, xa que, vinte  e seis nenos/as do noso centro conseguiron clasificarse para o Campionato Intercomarcal de campo a través, que se celebrará o sábado 14 de Xaneiro do 2023, no circuito do parque  de Acea da Má( Culleredo)

Ás cinco medallas colleitadas, e á clasificación de dúas atletas de maneira individual, hai que destacar que a nivel de equipos os resultados foron moi bos , xa que, acadamos dous primeiros e dous segundos postos.

Noraboa a todos/as!

RELACIÓN DE ATLETAS CLASIFICADOS PARA O CAMPIONATO INTERCOMARCAL 

CLASIFICACIÓN INDIVIDUAL

                    UXÍA PEREIRO MÉNDEZ  (4ª Infantil feminino)

NURIA CASTRO GARCÍA ( 6ª Infantil feminino) 

CLASIFICACIÓN POR EQUIPOS

BENXAMÍN MASCULINO 1º CLASIFICADO

GAEL MÉNDEZ ABELENDA

HUGO CASTRO LADO

XURXO PEREIRO MÉNDEZ

XIÁN ROMERO VARELA

XAVI SOLÉ RODRÍGUEZ

MANUEL ALLONES CASTRO

BENXAMÍN FEMININO 2º CLASIFICADO

NOA LEMA FERNÁNDEZ

MARA GARCÍA SUÁREZ

NOA OTERO MELLA

MARTINA RODRÍGUEZ TORRADO

MARTINA LAVANDEIRA POSE

KHAOULA JOUHARI

ALEVÍN FEMININO 2º CLASIFICADO

JULIA GARCÍA REMUIÑAN

PAULA BOLÓN COTELO

CARLA TRIGO MATO

LUNA LORENZOANTELO

VICTORIA RAMOS VARELA

LUCÍA LOIS COUSILLAS

INFANTIL MASCULINO 1º CLASIFICADO

HUGO GARCÍA REMUIÑAN

ROMÁN RAMA MARTÍNEZ

NICOLÁS LEMA FERNÁNDEZ

MAURO FILGUEIRA QUEIRO

RODRIGO RAMA MALLO

MANUEL POMBO MIRA

FASE LOCAL DE CAMPO A TRAVÉS ESCOLAR

Un ano máis, o noso centro terá unha amplia representación na Fase Local de campo a través escolar, xa que, serán 99 atletas do noso centro,os que participarán mañá martes 20 de decembro( sempre que as condicións metereolóxicas o permitan) nesta proba.

Esta actividade forma parte do Programa Xogade.

As probas desenvolveranse no circuito permanente do polígono industrial de Craballo.

Os horarios das probas serán  os seguintes:

11.00:  Infantil masculino ( 6º E.Primaria)
11.15:  Infantil feminino ( 6º E.Primaria)
11.30:  Alevín masculino ( 4º e 5º E.Primaria) 
11.45:  Alevín feminino ( 4º e 5º E.Primaria) 
12.00:  Benxamín masculino ( 2º e 3º E.Primaria) 
12.15:  Benxamín feminino ( 2º e 3º E.Primaria) 

Moita sorte a tod@s!

FOI CLIC AO TEU BOCATA

 

Hoxe tres científicos mariños achegáronse ao noso colexio para explicar aos nenos e nenas a importancia de coidar o mar e os animais que o habitan, así como as diferentes artes de pesca, o saudables que son as conservas e como facer bocadillos con elas.

O proxecto da Consellería do Mar  serviu aos nenos e nenas para aprender que as conservas son moi saudables, con altas propiedades nutricionais e, ademais, que teñen un sabor moi bo, algo que puideron comprobar eles mesmos ao degustar bocadillos con diferentes conservas e as preparacións máis creativas.

Nunha xornada moi dinámica e participativa, con preguntas e vídeos animados explicando esta campaña da Xunta, o noso alumnado descubriu que as conservas de peixe e marisco son unha fantástica e deliciosa opción para poñer no medio do pan.

Ademais, ao finalizar o taller, todos/as recibiron obsequios para lembrarlles a importancia de coidar o mar e consumir peixe.

 

DATAS DAS FASES DE CAMPO A TRAVÉS ESCOLAR 2022-2023

 

 As datas para as distintas fases de Campo a través escolar 2022/2023 son as seguintes:

• Fase Local de Carballo : martes 20 de decembro do 2022, no circuito do Polígono  Industrial de Bértoa.

• Campionato Intercomarcal:  no circuito do parque dos Menhíres ( A Coruña).Pendente de confirmación da data.
  

• Campionato Provincial centros escolares:17 de marzo de 2023. Pendente de confirmación da sede.
  

SEMANA EUROPEA DA MOBILIDADE

 

A Semana Europea da Mobilidade celébrase todos os anos do 16 ao 22 de setembro, e ao longo destes sete días desenvolveranse no concello de Carballo diferentes iniciativas.

Un ano máis haberá andainas, rutas en bicicleta, xornadas lúdicas, chequeo da accesibilidade e promoción da mobilidade sostible para accións tan cotiáns como ir traballar ou mercar á feira.

Tamén conta coa implicación dos centros escolares, que este ano serán escenarios da presentación do xogo Cicl-Ando Carballo, que conta con taboleiro, fichas, cartas e manual de instrucións para que os nenos e as nenas aprendan a moverse con máis seguridade polas rúas ao tempo que avanzan polo taboleiro de xogo.

  👉INFORMACIÓN NA WEB DO CONCELLO DE CARBALLO

PRESENTACIÓN ASIGNATURA DE EDUCACIÓN FÍSICA CURSO 2022-2023

 

👉PRESENTACIÓN ASIGNATURA CURSO 2022-2023

BENVIDOS/AS AO CURSO 2022-2023

 

Plufi quere darvos a benvida ao novo curso escolar 2022-2023, en particular aos que chegades por primeira vez ao noso centro.

Espérovos o xoves  da semana que vén para desfrutar movéndonos.

Ata moi pronto!

BO VERÁN A TODOS/AS!

 

Finaliza un novo curso no que agardo que desfrutásedes das clases de educación física, e que no voso recordo, queden  os bos momentos que pasamos.

Moitas grazas a todos/as por visitar o blog.

Vémonos de novo o 8 de Setembro para seguir "desfrutando movéndonos".

Unha aperta moi grande e bo verán a todos/as.

DESPEDIDA DOS ALUMNOS/AS DE SEXTO DE EDUCACIÓN PRIMARIA.

Mañá despedídesvos do que foi o voso colexio durante nove cursos para iniciar unha nova etapa.

Foi un pracer compartir convosco estes nove cursos que non esquecerei. Espero que non sexa un adeus senón un ata sempre.

Grazas por todo, grazas por vir, grazas por estar, grazas por rir, grazas por gozar das clases, grazas polo voso esforzo, grazas pola vosa actitude, grazas pola vosa colaboración, grazas por encher de vida o ximnasio, e agardo que nos volvamos ver nalgún momento

Ata sempre!

RODRIGO E TIRSO CAMPIÓNS DO VII TORNEO DE BÁDMINTON DA CRISTINA

Rodrigo e Tirso proclamáronse campións das finais de quinto e sexto curso  de E.Primaria do VII Torneo de Bádminton da Cristina , que se disputou durante os  meses de maio e xuño.

Na final de quinto curso, Rodrigo  gañou por dous sets a un a Uxía ( 21-16,19-21 e 21-10).

Na final de sexto curso,Tirso logrou a victoria por dous sets a cero ante  Daniel (21-6 e 21-13).

Ao final do partidos, os  finalistas recibiron sendos trofeos, e o  resto dos participantes de  cada curso, unha medalla de recordo.

Noraboa a tod@s!

FINALISTAS DO VII TORNEO DE BÁDMINTON DA CRISTINA 2022

Uxía, Rodrigo, Tirso e Daniel , clasificáronse para as  finais de 5º e 6º de E.Primaria do VII Torneo de Bádminton da Cristina 2022.

Os resultados dos partidos de semifinais foron os seguintes:

• Uxía & Pablo Amarelle: 14-21,21-18, 23-21.
• Rogrigo & Gael: 21-16, 22-20.
• Daniel & Carmen: 21-16, 21-12.
• Tirso & Manuel Souto: 21-15, 21-17.

A semana que vén terán lugar as dúas finais.

X CARREIRA POPULAR 10K CONCELLO DE CARBALLO

O domingo 5 de Xuño celebrase a X Carreira popular de Carballo. Se estás interesado/a en participar, tes ata o martes 30 de Maio para realizar a inscrición no seguinte enlace.

INSCRICIÓN

V CARREIRA POLA LINGUA DO CEIP A CRISTINA

Para conmemorar o Día das Letras Galegas, hoxe celebramos na pista polideportiva do noso colexio, a "V Carreira pola Lingua do Ceip. A Cristina",na que participou todo o alumnado do centro, para reivindicar a defensa da nosa lingua e fomentar os hábitos saudables.

 

 

VII TORNEO DE BÁDMINTON DA CRISTINA.

 

Os alumnos/as de 5º e 6º de E.Primaria comezaron esta semana o VII Torneo de Bádminton da Cristina. Ao longo das próximas semanas celebraranse os partidos nas clases de educación física e nos recreos.

Moita sorte a todos/as!

APRENDE A TRAVÉS DO SURFING PARTE 2.

Este luns comezaron na praia de Razo as actividades de surf na praia englobadas no proxecto "Aprende a través do Surfing". 

O alumnado de primeiro  de E.Primaria participou ao longo de toda a mañá dunha xornada de convivencia, onde os nenos/as tiveron a oportunidade de desfrutar do surf, coñecer a cultura oceánica  e experimentar todos os valores do surfing.

As proximas sesións, se as condicións metereolóxicas e das mareas o permiten, serán nas datas seguintes:

• Martes 3 de Maio: 2º E. Primaria.
• Mércores 4 de Maio: 3º E. Primaria.
• Xoves 5 de Maio: 4º E. Primaria.
• Venres 6 de Maio: 5º E. Primaria.
• Luns 9 de Maio: 6º E. Primaria. 

     

             

                   

APRENDE A TRAVÉS DO SURFING PARTE 1.

Hoxe remataron as sesións da primeira parte do proxecto " Aprende a través do Surfing" que se desenvolveron no noso colexio ao longo do luns, martes e mércores desta semana.

Quero agradecer a  Martín e Paco, a súa absoluta disponibildade e a maneira de transmitir con tanta ilusión e entusiasmo a súa forma de vida.

APRENDE A TRAVÉS DO SURFING

O noso centro participará de novo durante este curso no proxecto "Aprende a través do Surfing".

O luns, martes e mércores desta semana, dous monitores de surf, Paco e Martín Varela(director da escola de surf "Boaola"), desenvolverán  unhas sesións de iniciación ao surfing aos alumnos/as de todos os cursos de Educación Primaria.

Estas sesións terán continuidade cunhas xornadas de convivencia no mes de maio na praia de Razo onde os nenos/as terán a oportunidade de desfrutar dun bautismo de surf, coñecer a cultura oceánica  e experimentar todos os valores do surfing.

RECREOS ACTIVOS. III LIGA DE BALONCESTO ESCOLAR 3X3.

Mañá comezará no noso centro a III Liga escolar de baloncesto 3x3, que se desenvolverá ata finais do mes de maio nos recreos dos xoves.

Esta  iniciativa  está organizada polo Basket Xiria, coa intención de facer uns recreos máis saudables e entretidos.

Nela participará o alumnado de 3º e 4º de E.Primaria.