PVAD. DESFRUTANDO DA MILLA DIARIA EN COMPAÑÍA.

 

Os alumos/as de 6º de E.Infantil compartiron unha milla en compañía do alumnado de 5º e 6º B de E.Primaria.

Resultou unha “gran experiencia” para  os máis pequenos e  para os maiores.  Vivir o  sentimento  colectivo, é unha emoción que une, que fai equipo, xa que, o feito de compartir e de axudarse entre compañeiros/as, motiva moito ao alumnado.

PVAD. RECREOS ACTIVOS: MÓVETE!

Co fin de continuar fomentando a actividade física durante os recreos, hoxe levamos a cabo unhas coreografías con aros, música e movemento.

Se che interesa, acércate ao ximnasio os luns,xoves e venres durante o recreo.

Anímate!

PVAD. CHEGAMOS ÁS 100 MILLAS!

Esta semana chegamos ás 100 millas percorridas da milla diaria desde o inicio de curso.

Noraboa e grazas a todos/as pola vosa participación.

NOTICIA DA MILLA DIARIA DO NOSO COLE NO DIARIO DE BERGANTIÑOS

NOTICIA EN LA VOZ DE GALICIA-CARBALLO

PVAD.COÑECE O MEU CLUB:BALONMÁN XIRIA

 

Esta semana contamos no noso centro coa presenza de  dous adestradores das Escolas Balonmán Xiria que están  facendo unha presentación práctica e lúdica do seu deporte a todo o alumnado de Educación Primaria, explicando o funcionamento do seu club (localización, horarios de adestramento, competicións…)

Con este programa de Xogade ( Xogos deportivos en idade escolar) preténdese que os escolares do noso centro coñezan os recursos deportivos dispoñibles en Carballo. Ofrecéndolles así unha alternativa de ocupación para o seu tempo libre e fomentándose a práctica da actividade física entre a nosa poboación escolar. Con esta actividade desde o centro buscamos poñer en mans do noso alumnado a maior cantidade de recursos posibles, que lles axuden a conseguir uns hábitos cada vez máis activos e saudables, creando así un vínculo importante entre o centro e os clubs da nosa localidade.

Moitas grazas a Sheila e Zarra  por adicarnos parte do seu tempo a ensinarnos o seu deporte.

PVAD. A MILLA DIARIA

 

A milla diaria é unha modalidade dentro do PVAD (Proxecto de Vida Activa e Deportiva) do Plan Proxecta, no que participará o noso centro durante este curso,  que pretende fomentar entre o noso alumnado un estilo de vida saudable, aumentando o tempo que dedican á actividade física.

A actividade consiste en realizar un percorrido dunha milla de lonxitude (1600 metros) e facelo en calquera momento da xornada escolar de luns a venres. 

O obxectivo final será loitar contra o sedentarismo, creando hábitos que perduren fóra do centro escolar e ao longo de toda a vida.

Trátase de que sexa una actividade atractiva para todos/as,  e que nos aporte beneficios para a nosa saúde.

Hoxe  iniciaron a actividade os alumnos/as de 5º de E.Primaria.

1  VOLTA COMPLETA Á PISTA POLIDEPORTIVA DO COLEXIO = 100 METROS

    

 VOLTA NO INTERIOR DO COLEXIO DE 200 metros

 

VOLTA NO INTERIOR DO COLEXIO DE 400 metros

      1 VOLTA ARREDOR  DO COLEXIO = 300 METROS

     1 VOLTA POLO EXTERIOR DO COLEXIO = 400 METROS

  1 VOLTA POLO EXTERIOR DO COLEXIO = 600 METROS

BENVIDOS/AS AO CURSO 2024-2025

Plufi quere darvos a benvida ao novo curso escolar 2024-2025, en particular aos que chegades por primeira vez ao noso centro.

Espérovos o mércores día 11 deste mes, para desfrutar movéndonos.

Ata moi pronto!

BO VERÁN A TODOS/AS!

Finaliza un novo curso no que agardo que desfrutásedes das clases de educación física, e que no voso recordo, queden  os bos momentos que pasamos.

Moitas grazas a todos/as por visitar o blog.

Vémonos de novo o 11 de Setembro para seguir "desfrutando movéndonos".

Unha aperta moi grande e bo verán a todos/as.